നമ്മുടെ ശരീരത്തെ പുനരുജ്ജീവിപ്പിക്കാനും ജലാംശം നിലനിർത്താനുമുള്ള ഏറ്റവും നല്ല മാർഗമാണ് രാവിലെ നാരങ്ങ വെള്ളം കുടിക്കുന്നത്. എന്നാൽ ഇത് നമ്മുടെ പ്രതിരോധശേഷി വർദ്ധിപ്പിക്കുകയും ചെയ്യും. രോഗപ്രതിരോധ ശേഷി മെച്ചപ്പെടുത്തുന്ന പ്രകൃതിദത്ത ആന്റിഓക്സിഡന്റായ വിറ്റാമിൻ സി നാരങ്ങയിൽ ധാരളമായി അടങ്ങിയിട്ടുണ്ട്.
ഈ ലളിതമായ രോഗപ്രതിരോധ ബൂസ്റ്ററിനെക്കുറിച്ച് കൂടുതലറിയാൻ നോയിഡയിലെ ഫോർട്ടിസ് ഹോസ്പിറ്റലിലെ ഹെഡ് ന്യൂട്രീഷ്യനിസ്റ്റ് ഡോ. നമിത നാഡാറുമായി ഇന്ത്യ ടോഡെ.ഇൻ ബന്ധപ്പെട്ടു. അതിരാവിലെ നാരങ്ങ നീര് കഴിക്കുന്നത് നമ്മുടെ രോഗപ്രതിരോധ ശേഷി വർദ്ധിപ്പിക്കുമെന്ന് അവർ വ്യക്തമാക്കി
ചേരുവകൾ
1 ഗ്ലാസ് ഇളം ചൂടുള്ള വെള്ളം
1-2 ടേബിൾ സ്പൂൺ നാരങ്ങ നീര്
1/4 ടേബിൾ സ്പൂൺ ഉപ്പ്
¼ ടേബിൾസ്പൂൺ തേൻ (ആവശ്യമെങ്കിൽ)
എങ്ങനെ ഉണ്ടാക്കാം
ഒരു ഗ്ലാസ് ഇളം ചൂടുവെള്ളം എടുത്ത് 1-2 ടേബിൾ സ്പൂൺ നാരങ്ങ നീരും 1/4 ടേബിൾ സ്പൂൺ ഉപ്പും ചേർക്കുക. ആരോഗ്യ പാനീയത്തിൽ അൽപം നാരുകൾ ചേർക്കാൻ അൽപ്പം ചിയ സീഡ്സും ചേർക്കാം.
എപ്പോൾ കുടിക്കണം?
ഈ പാനീയ ദിവസത്തിൽ രണ്ട് പ്രാവിശ്യം ഉപയോഗിക്കുക. ഇത് പ്രതിരോധശേഷി വർദ്ധിപ്പിക്കുന്നതിന് സഹായിക്കുകയും വിറ്റാമിൻ സി പെട്ടെന്ന് നൽകുകയും ചെയ്യുന്നു. ഇത് നിങ്ങളുടെ പ്രഭാതഭക്ഷണത്തിന്റെ ഭാഗമാക്കാം. പകൽ ഏത് സമയത്തും ഗ്രീൻ ടീയോടൊപ്പവും ഇത് കുടിക്കാം
ഗുണങ്ങൾ
മൊത്തത്തിലുള്ള പ്രതിരോധശേഷി മെച്ചപ്പെടുത്തുന്നതിനാണ് നാരങ്ങ നീര് എന്ന് ഡോ. നമിത നടാർ. ജലദോഷത്തിനും ഫ്ലൂ വൈറസിനുമെതിരെ പോരാടാനും ഇത് നിങ്ങളുടെ ശരീരത്തെ സഹായിക്കുന്നു. വിറ്റാമിൻ സി, ആന്റിഓക്സിഡന്റുകൾ എന്നിവ നാരങ്ങയിൽ അടങ്ങിയിട്ടുണ്ട്, ഇവ രണ്ടും ആരോഗ്യ ഗുണങ്ങൾ നൽകുന്നു. സ്ഥിരമായി ഭക്ഷണം കഴിക്കുകയോ നാരങ്ങ നീര് കുടിക്കുകയോ ചെയ്യുന്നത് പ്രതിരോധശേഷി വർദ്ധിപ്പിക്കാനും ഹൃദ്രോഗ ഘടകങ്ങൾ കുറയ്ക്കാനും വൃക്കയിലെ കല്ലുകൾ തടയാനും ഇരുമ്പ് ആഗിരണം ചെയ്യാനും സഹായിക്കും. ഇത് ആരോഗ്യകരമായ ചർമ്മം ഉണ്ടാക്കാൻ സഹായിക്കുമെന്നും അവർ നിർദ്ദേശിക്കുന്നു.
വിറ്റാമിൻ സി, നാരങ്ങയിലെ ആന്റിഓക്സിഡന്റുകൾ എന്നിവ നിങ്ങളുടെ രോഗപ്രതിരോധ ശേഷിയെ ശക്തിപ്പെടുത്തുകയും ജലദോഷം, ഫ്ലൂ വൈറസ് പോലുള്ള അണുബാധകളെ ചെറുക്കാൻ ശരീരത്തെ സഹായിക്കുകയും ചെയ്യും. ഒരു രോഗത്തിന്റെ ദൈർഘ്യം കുറയ്ക്കുന്നതിനും ഇത് സഹായിച്ചേക്കാം.
പ്രതികരിക്കാൻ ഇവിടെ എഴുതുക