കൊവിഡ് ഭേദമായവരില് എട്ട് മാസംവരെ വൈറസിനെതിരെയുള്ള ആന്റിബോഡി നിലനില്ക്കുമെന്ന് പഠനം. ഇറ്റലിയിലെ ഐഎസ്എസ് നാഷണല് ഹെല്ത്ത് ഇന്സ്റ്റിറ്റ്യൂട്ടുമായി ചേര്ന്നാണ് പഠനം നടത്തിയത്. രാജ്യത്ത് ആദ്യം രോഗം ബാധിച്ച 162 പേരെയാണ് പഠനവിധേയമാക്കിയത്.
രോഗമുക്തി നേടിയ ഇവരില് നിന്നും മാര്ച്ചിലും ഏപ്രിലിലും നവംറിലുമായി ശേഖരിച്ച സാംപിളുകള് ഉപയോഗിച്ചാണ് വിവിധ ഘട്ടങ്ങളിലായി പഠനം നടത്തിയത്. എട്ട് മാസത്തിലധികം ഇടവേളയില് സാംപിള് പരിശോധിച്ചു. ഇക്കാലയലയളവില് ആന്റിബോഡി സാന്നിധ്യത്തില് കുറവ് രേഖപ്പെടുത്തുന്നുണ്ട്. 162 പേരില് മൂന്ന് പേര്ക്ക് ഈ കാലയളവിന് ശേഷം രോഗബാധ വീണ്ടും ഉണ്ടായതായും പഠനത്തില് പറയുന്നു.
രോഗബാധയേറ്റ് 15 ദിവസത്തിനുള്ളില് ആന്റിബോഡി ഉത്പാദിപ്പിക്കപ്പെട്ടില്ലെങ്കില് കൊവിഡിന്റെ ഗുരുതരമായ അവസ്ഥകള് ഉണ്ടായേക്കാമെന്നും പഠനം ചൂണ്ടിക്കാട്ടുന്നു.
പ്രതികരിക്കാൻ ഇവിടെ എഴുതുക