ന്യൂഡല്ഹി: ദില്ലി: കൊവിഷീൽഡ് വാക്സീൻ സ്വീകരിക്കുന്നതിന്റെ ഇടവേള കൂട്ടണമെന്ന് ശുപാർശ. കേന്ദ്രസർക്കാർ നിയോഗിച്ച സമിതിയുടേതാണ് ശുപാര്ശ. രണ്ടു ഡോസുകള് തമ്മിലുള്ള ഇടവേള 12 മുതല് 16 ആഴ്ചയായി ഉയര്ത്തണമെന്നാണ് വിദഗ്ധ സമിതി പറയുന്നത് . നിലവില് രണ്ടാമത്തെ ഡോസ് സ്വീകരിക്കുന്നത് ആറു മുതല് എട്ട് ആഴ്ചയ്ക്കിടിയല് എടുക്കണമെന്നായിരുന്നു നിര്ദേശം. എന്നാല് ഭാരത് ബയോടെക്കിന്റെ കോവാക്സിന് ഡോസുകളുടെ കാലയളവില് മാറ്റമില്ല.
മാര്ച്ചില് ലാന്സെറ്റ് ജേണലില് പ്രസിദ്ധീകരിച്ച ഒരു പഠനത്തില് 12 ആഴ്ചകള്ക്കുള്ളില് ഡോസുകള് നല്കിയാല് കോവിഷീല്ഡ് വാക്സിന്റെ ഫലപ്രാപ്തി 81.3 ശതമാനമായി ആകുമെന്ന് വ്യക്തമാക്കുന്നു. ആറു ആഴ്ചയില് താഴെ രണ്ടു ഡോസ് വാക്സിന് നല്കുമ്പോള് കോവിഷീല്ഡ് വാക്സിന്റെ ഫലപ്രാപ്തി 55.1 ശതമാനമായി കുറഞ്ഞെന്നും ഗവേഷകര് കണ്ടെത്തി.
അതേസമയം കോവിഡ് മുക്താരായവര് ആറു മാസത്തിന് ശേഷം മാത്രം വാക്സിന് സ്വീകരിച്ചാല് മതിയാകും. നിലവില് കോവിഡ് ഭേദമായവര് 12 ദിവസത്തിന് ശേഷം വാക്സിന് സ്വീകരിക്കാന് കഴിയുമെന്നായിരുന്നു മാര്ഗ്ഗരേഖ. നീതി ആയോഗ് അംഗം ഡോ. വി കെ പോള് അധ്യക്ഷനായ നാഷണല് എക്സ്പേര്ട്ട് ഗ്രൂപ്പ് ഓണ് വാക്സിന് അഡ്മിനിസ്ട്രേഷനാണ് ഇക്കാര്യങ്ങള് ശുപാര്ശ ചെയ്തത്. ഇക്കാര്യത്തില് കേന്ദ്ര സര്ക്കാര് തീരുമാനം ഉടന് ഉണ്ടാകും.
പ്രതികരിക്കാൻ ഇവിടെ എഴുതുക