പ്രധാനമന്ത്രിയുടെ കിസാന് സമ്മാന് നിധി കര്ഷകരുടെ അക്കൗണ്ടുകളില് നേരിട്ട് എത്താന് തുടങ്ങിയതായി മുന് നേമം എംഎല്എയും ബിജെപിയുടെ മുതിര്ന്ന നേതാവുമായ ഒ രാജഗോപാല്. തന്റെ ഫേസ്ബുക്ക് പോസ്റ്റിലൂടെയാണ് അദ്ദേഹം ഇക്കാര്യം പറഞ്ഞത്.
ഇതുമായി ബന്ധപ്പെട്ട ഒരു സ്ക്രീന്ഷോട്ടും ഒ രാജഗോപാല് തന്റെ കുറിപ്പിനൊപ്പം നല്കിയിട്ടുണ്ട്. മഹാമാരിയുടെ സമയത്ത് ജനങ്ങള്ക്ക് ഈ തുക വളരെ ആശ്വാസമാണെന്ന് പറഞ്ഞുകൊണ്ട് പ്രധാനമന്ത്രി നരേന്ദ്ര മോദിയുടെ രാജഗോപാല് അഭിനന്ദിക്കുന്നുമുണ്ട്.
ബിജെപി നേതാവ് പങ്കുവച്ച കുറിപ്പില് പറയുന്നത്:
‘പ്രധാനമന്ത്രി കിസാന് പദ്ധതി പ്രകാരം 2021 ഏപ്രില് മുതല് 2021 ജൂലൈ വരെയുള്ള കാലയളവിലെ തുകയായ 2000 രൂപ നിങ്ങളുടെ അക്കൗണ്ടില് നിക്ഷേപിച്ച വിവരം സന്തോഷപൂര്വ്വം അറിയുക്കുന്നു. ഈ പകര്ച്ചവ്യാധിയുടെ സമയത്ത് ഇത് പ്രത്യേകിച്ചും സഹായകരമാകും. നിങ്ങളുടെയും നിങ്ങളുടെ കുടുംബത്തിന്റെയും ആരോഗ്യത്തിനായി ഞാന് പ്രാര്ത്ഥിക്കുന്നു.
ചെറുകിട കര്ഷകര്ക്കായി 2019 ഫെബ്രുവരിയില് കേന്ദ്ര സര്ക്കാര് നടപ്പിലാക്കിയ പദ്ധതിയാണ് പി എം കിസാന് നിധി. പദ്ധതിപ്രകാരം പ്രതിവര്ഷം മൂന്ന് ഗഡുക്കളായി 6000 രൂപയാണ് കര്ഷകര്ക്ക് നല്കുക. ഏകദേശം 75, 000 കോടി രൂപയാണ് പദ്ധതിക്കായി വകയിരുത്തിയത്.
കഴിഞ്ഞവര്ഷം ഏപ്രില് മുതല് ജൂലൈ വരെയാണ് ആദ്യ ഗഡു നല്കിയത്. തുടര്ന്ന് രണ്ടാം ഗഡു ഓഗസ്റ്റ് മുതല് നവംബര് വരെയും നല്കി. ഡിസംബര് മുതല് മാര്ച്ച് വരെയുള്ള മൂന്നാമത്തെ ഗഡുവാണ് ഈമാസം അംഗങ്ങള്ക്ക് ലഭിക്കുക.
പ്രതികരിക്കാൻ ഇവിടെ എഴുതുക