കൊച്ചി: രണ്ടാം പിണറായി മന്ത്രിസഭയുടെ സത്യപ്രതിജ്ഞ ചടങ്ങില് 500 പേരെ പങ്കെടുപ്പിക്കുന്നതിന് എതിരായ ഹര്ജികള് ഹൈക്കോടതി നാളെ പരിഗണിക്കും. ചടങ്ങ് കോവിഡ് മാനദണ്ഡങ്ങളുടെ ലംഘനമാണെന്നും 500 പേരെ പങ്കെടുപ്പിച്ചുള്ള സത്യപ്രതിജ്ഞ നിയമ വിരുദ്ധമെന്ന് പ്രഖ്യാപിക്കണമെന്നുമാണ് ഹര്ജിയില് പറയുന്നത്. തൃശ്ശൂര് ആസ്ഥാനമായി പ്രവര്ത്തിക്കുന്ന ചികിത്സാ നീതി എന്ന സംഘടനയാണ് കോടതിയെ സമീപിച്ചത്.
കൊവിഡ് പ്രോട്ടകോള് ലംഘിച്ചുള്ള സത്യപ്രതിജ്ഞയ്ക്കെതിരെ കോടതി സ്വമേധയാ കേസ് എടുക്കണമെന്ന് ആവശ്യപ്പെട്ട് അഭിഭാഷകനായ അനില് തോമസ്, ഡെമോക്രാറ്റിക് പാര്ട്ടി പ്രസിഡന്റ് ജോര്ജ്ജ് സെബാസ്റ്റ്യന് എന്നിവര് ഹൈക്കോടതി ചീഫ് ജസ്റ്റിസിന് പരാതി നല്കിയിട്ടുണ്ട്.
ട്രിപ്പിള് ലോക്ഡൗണുള്ള തിരുവനന്തപുരത്ത് 500 ലെറ പേരെ പങ്കെടുപ്പിച്ചുള്ള സത്യപ്രതിജ്ഞ നിയമലംഘനമാണെന്ന് പരാതിക്കാര് പറയുന്നു. ഹൈക്കോടതി സ്വമേധയാ കേസെടുത്ത് സത്യപ്രതിജ്ഞ രാജ്ഭവനില് നടത്താന് നിര്ദ്ദേശം നല്കണമെന്നും 50 ല് കൂടുതല് പേരെ പങ്കെടുക്കാന് അനുവദിക്കരുതെന്നുമാണ് പരാതിക്കാരുടെ ആവശ്യം.
പ്രതികരിക്കാൻ ഇവിടെ എഴുതുക