രാജ്യത്ത് കൊവിഡ് മഹാമാരിയ്ക്കിടെ റിപ്പോർട്ട് ചെയ്ത ബ്ലാക് ഫംഗസിനെ പകര്ച്ചവ്യാധിയായി പ്രഖ്യാപിക്കണമെന്ന് സംസ്ഥാനങ്ങളോട് ആവശ്യപ്പെട്ട് കേന്ദ്ര സര്ക്കാര്. ബ്ലാക് ഫംഗസിനെ പകര്ച്ചവ്യാധി രോഗ നിയമ പ്രകാരം അപൂര്വവും മാരകവുമായ അണുബാധയുടെ പട്ടികയില് ഉള്പ്പെടുത്താനാണ് സംസ്ഥാനങ്ങളോട് നിർദ്ദേശിച്ചിരിക്കുന്നത്.
ഇനി മുതല് എല്ലാ ബ്ലാക് ഫംഗസ് കേസുകളും കേന്ദ്ര ആരോഗ്യ മന്ത്രാലയത്തില് റിപ്പോര്ട്ട് ചെയ്യണമെന്നും അറിയിച്ചു. ബ്ലാക് ഫംഗസ് ചികിത്സയ്ക്ക് നേത്ര ശസ്ത്രക്രിയാ വിദഗ്ധര്, ഇ.എന്.ടി സ്പെഷ്യലിസ്റ്റുകള്, ജനറല് സര്ജനുകള്, ന്യൂറോ സര്ജന്മാര്, ഡെന്റല് ഫേഷ്യല് സര്ജന്മാര്, എന്നിവരുടെ സേവനം ലഭ്യമാക്കണമെന്നും കേന്ദ്രത്തിന്റെ നിർദ്ദേശത്തിലുണ്ട്. അതേസമയം സംസ്ഥാനത്ത് ബ്ലാക്ക് ഫംഗസ് സ്ഥിരീകരിച്ചയാളുടെ കണ്ണ് നീക്കം ചെയ്തിരുന്നു.
പ്രതികരിക്കാൻ ഇവിടെ എഴുതുക