മലയാള സിനിമയിലെ സ്ത്രീ വിരുദ്ധ ഡയലോഗുകൾ സോഷ്യൽമീഡിയയിൽ ചർച്ചയായിക്കൊണ്ടിരിക്കെ ഇത്തരം ഡയലോഗുകൾ പൊളിച്ചെഴുതാൻ വനിത -ശിശുക്ഷേമ വകുപ്പ് മുൻകൈയെടുക്കുന്നു. ‘ഇനി വേണ്ട വിട്ടുവീഴ്ച’ എന്ന പ്രമുഖ കാമ്ബയിൻറെ ഭാഗമായാണ് ഡയലോഗുകൾ പൊളിച്ചെഴുതുന്ന പുതിയ കാമ്പയിൻ ആരംഭിച്ചിരിക്കുന്നത്.മോഹൻലാൽ- ഷാജി കൈലാസ്-രഞ്ജിത് ചിത്രം നരസിംഹത്തിലെ അടിമുടി സ്ത്രീവിരുദ്ധമായ ഹിറ്റ് ഡയലോഗിനെ അടിസ്ഥാനമാക്കിയായിരുന്നു ഫേസ്ബുക്ക് പോസ്റ്റ്. അടിമയാവാൻ ഇന്ദുചൂഡൻ വേറെ ആളെ നോക്കണമെന്നാണ് പോസ്റ്റിൽ കുറിച്ചിരിക്കുന്നത്.
”സ്ത്രീവിരുദ്ധമായ ചിന്തകളുടെ പൊളിച്ചെഴുത്തുകൾ ലിംഗസമത്വത്തിലേക്കുള്ള ചുവടുവെപ്പുകളാണ്. വലിയൊരു വിഭാഗം ജനങ്ങൾ വിനോദോപാധിയായി കാണുന്ന സിനിമയിലും അത്തരം പൊളിച്ചെഴുത്തുകൾക്ക് പ്രസക്തിയുണ്ട്. ജനപ്രിയ സിനിമകളിലെ സ്ത്രീവിരുദ്ധമായ ഡയലോഗുകൾ നിങ്ങളുടെ ശ്രദ്ധയിൽ പെട്ടിട്ടുണ്ടോ? എങ്കിൽ അവ പൊളിച്ചെഴുതി കമൻറ് ചെയ്യൂ. തിരഞ്ഞെടുക്കുന്നവ വനിത ശിശുവികസന വകുപ്പിൻറെ പേജിൽ പോസ്റ്റ് ചെയ്യുന്നതായിരിക്കും. ” #പൊളിച്ചെഴുത്ത് #ഇനിവേണ്ട വിട്ടുവീഴ്ച” വനിത ശിശുക്ഷേമ വകുപ്പ് പങ്കുവച്ച കുറിപ്പിൽ പറയുന്നു.
പ്രതികരിക്കാൻ ഇവിടെ എഴുതുക