വീട്ടിലേക്ക് വിളിക്കാം പദ്ധതിയില് പങ്കുചേര്ന്ന് ആരോഗ്യ വകുപ്പ് മന്ത്രി വീണ ജോര്ജും. തിരുവനന്തപുരം മെഡിക്കല് കോളജില് ആണ് പദ്ധതി ആരംഭിച്ചത്.
തീവ്രപരിചരണ വിഭാഗത്തില് ചികിത്സയിലുള്ള വക്കം സ്വദേശിയായ രോഗിയുടെ വിവരങ്ങളാണ് മന്ത്രി നേരിട്ട് ബന്ധുവിനെ വിളിച്ചറിയിച്ചത്. കൊവിഡ് ഇന്ഫര്മേഷന് സെന്റര് സന്ദര്ശിച്ചാണ് രോഗിയുടെ ബന്ധുവിനെ വിളിച്ച് മന്ത്രി വിവരം കൈമാറിയത്. കൊവിഡ് രോഗികളുടെ വിവരങ്ങള് ബന്ധുക്കള്ക്ക് കൈമാറാന് ഒപി ബ്ലോക്കില് തന്നെയാണ് ഇന്ഫര്മേഷന് സെന്റര് പ്രവര്ത്തിക്കുന്നത്.
ചികിത്സയില് കഴിയുന്നയാളിന്റെ സഹോദരന് വിനുവിനാണ് മന്ത്രി വിവരങ്ങള് കൈമാറിയത്. സഹോദരന്റെ ആരോഗ്യസ്ഥിതി മെച്ചപ്പെടുന്നുവെന്നും ഓക്സിജന്റെ അളവ് കൂടിയിട്ടുണ്ടെന്നും ആഹാരം കഴിക്കുന്നുണ്ടെന്നും മന്ത്രി വിനുവിനോട് പറഞ്ഞു.
പ്രതികരിക്കാൻ ഇവിടെ എഴുതുക