കെഎസ്ആര്ടിസി ഡിപ്പോകളില് ബിവറേജസ് കോര്പ്പറേഷന്റെ ഔട്ട്ലെറ്റുകള് തുറക്കുമെന്ന് ഗതാഗത മന്ത്രി ആന്റണി രാജു. ഇതിന് നിയമതടസ്സങ്ങളില്ലെന്നും ടിക്കറ്റേതര വരുമാനം വര്ദ്ധിപ്പിക്കാന് സഹായിക്കുമെന്നും അദ്ദേഹം പറഞ്ഞു.
കെഎസ്ആര്ടിസി ഡിപ്പോകളില് ബെവ്കോ, വില്പ്പനശാലകള് മാത്രമാണ് തുറക്കുന്നത്. ഇരുന്ന് മദ്യപിക്കാനുള്ള സൗകര്യം ഒരുക്കുന്നില്ല. അതിനാല് മറ്റ് യാത്രക്കാര്ക്ക് ബുദ്ധുമുട്ടുണ്ടാകില്ലെന്ന് മന്ത്രി വിശദീകരിച്ചു. മദ്യം വാങ്ങാനെത്തുന്നവര്ക്ക് മെച്ചപ്പെട്ട സൗകര്യം നല്കണമെന്ന് ഹൈക്കോടതി നിര്ദ്ദേശിച്ചിരുന്നു. ഈ സാഹചര്യത്തിലാണ് കെഎസ്ആര്ടിസി എം ഡി ബിജു പ്രഭാകര് പുതിയ ആശയം മുന്നോട്ട് വച്ചത്.
കെഎസ്ആര്ടിസിയുടെ ഡിപ്പോകളില് വര്ഷങ്ങളായി നിരവധി മുറികള് വാടകയ്ക്ക് പോകാതെ കിടപ്പുണ്ട്. നിയമവിധേയമായി പ്രവര്ത്തിക്കുന്ന ഏത് സ്ഥാപനത്തിനും കെഎസ്ആര്ടിസി ഡിപ്പോകളില് വാടകമുറി അനുവദിക്കും.
പ്രതികരിക്കാൻ ഇവിടെ എഴുതുക