ബെംഗലൂരു: ബെലഗാവിയില് ഇരുപത്തിന്നാലുകാരനെ കൊലപ്പെടുത്തിയത് കാമുകിയുടെ വീട്ടുകാരുടെ ക്വട്ടേഷന്.
യുവാവിനെ കൊന്ന് മൃതദേഹം റെയില്വേട്രാക്കില് ഉപേക്ഷിക്കാന് അഞ്ച് ലക്ഷം രൂപ വീട്ടുകാര് നല്കി. ശ്രീരാമ സേന പ്രവര്ത്തകരായ പത്ത് പേര് അറസ്റ്റിലായി.
അര്ബ്ബാസ് മുല്ലയുടെ മൃതദേഹമാണ് തലയറുത്ത നിലയില് ഒക്ടോബര് രണ്ടിന് ബെലഗാവിയിലെ റെയില്വേട്രാക്കില് കണ്ടെത്തിയത്.
ബെലഗാവി സ്വദേശിയായ 21 കാരിയുമായി അര്ബ്ബാസ് പ്രണയത്തിലായിരുന്നു. പെണ്കുട്ടിയുടെ വീട്ടുകാരുടെ എതിര്പ്പ് മറികടന്ന് ഇരുവരും വിവാഹം ചെയ്യാന് തീരുമാനിച്ചിരുന്നു.
പെണ്കുട്ടിയുടെ വീട്ടുകാര് അര്ബ്ബാസിനെ താക്കീത് ചെയ്ത് പറഞ്ഞയച്ചിരുന്നു. വീണ്ടും പ്രണയബന്ധം തുടര്ന്നതോടെ ശ്രീരാമ സേന പ്രവര്ഡത്തരെ പെണ്കുട്ടിയുടെ വീട്ടുകാര് സമീപിച്ചു. അര്ബ്ബാസിന്റെ ശല്യം ഒഴിവാക്കാന് അഞ്ച് ലക്ഷം രൂപ നല്കി. ഇതോടെ അര്ബ്ബാസിനെ മര്ദ്ദിച്ച് കൊലപ്പെടുത്തുകയായിരുന്നു. തുടര്ന്ന് മൃതദേഹം റെയില്വേട്രാക്കില് കൊണ്ടിട്ടു.
പ്രദേശവാസികളാണ് രാവിലെ മൃതദേഹം കണ്ടത്. ബെലഗാവിയില് വാഹനവില്പ്പനക്കാരനാണ് അര്ബ്ബാസ് മുല്ല.
പ്രതികരിക്കാൻ ഇവിടെ എഴുതുക