ലഖിംപൂരിൽ കൊല്ലപ്പെട്ട കര്ഷകര്ക്ക് അന്ത്യോപചാരം അര്പ്പിക്കാന് പ്രിയങ്ക ഗാന്ധി ഇന്ന് വീണ്ടും ലഖിംപുര് സന്ദര്ശിക്കും. കര്ഷകര്ക്ക് അന്തിമോപചാരം അര്പ്പിക്കുന്ന ചടങ്ങില് പ്രിയങ്ക പങ്കെടുക്കും. വലിയ സുരക്ഷയാണ് ലഖിംപുരില് പൊലീസ് ഇതിനോടകം ഒരുക്കിയിരിക്കുന്നത്. കർശന പരിശോധനയ്ക്ക് ശേഷമാണ് ദേശീയപാതയിലൂടെ ഓരോ വാഹനങ്ങളും കടത്തിവിടുന്നത്. കൊല്ലപ്പെട്ട കര്ഷകരുടെ കുടുംബാംഗങ്ങളെ സന്ദര്ശിക്കാനായി എത്തിയ പ്രിയങ്ക ഒരാഴ്ചക്ക് ശേഷമാണ് ഇന്ന് വീണ്ടും ലഖിംപുരിലെത്തുന്നത്.
അതേസമയം അന്തിമോപചാരം അര്പ്പിക്കുന്ന ചടങ്ങുകള്ക്കുള്ള എല്ലാ ഒരുക്കങ്ങളും ലഖിംപുരില് പൂര്ത്തിയായി. കര്ഷകര് കൊല്ലപ്പെട്ട ലഖിംപുര് ഖേരിയിലെ തിക്കോണിയ ഗ്രാമത്തിലെ വയലില് വെച്ചാണ് ചടങ്ങുകള് നടത്തുക . വിവിധ സംസ്ഥാനങ്ങളില് നിന്നും ജില്ലകളില് നിന്നുമുള്ള കർഷകരും കർഷക പ്രതിനിധികളും ചടങ്ങില് പങ്കെടുക്കും.
പ്രതികരിക്കാൻ ഇവിടെ എഴുതുക