സമുദ്രത്തിലെ കാറ്റിന്റെ വേഗം, ദിശ, സമുദ്രനിരപ്പ്, വായുസമ്മര്ദം, അന്തരീക്ഷ താപനില എന്നിവ പരിശോധിക്കുന്ന ലക്ഷദ്വീപ് തീരത്തുനിന്ന് കാണാതായ കാലാവസ്ഥ നിരീക്ഷണ യന്ത്രം മഹാരാഷ്ട്ര തീരത്ത് കണ്ടെത്തി.
ഭൗമശാസ്ത്ര വകുപ്പ് ഉപയോഗിക്കുന്ന കാലാവസ്ഥാ നിരീക്ഷണത്തിന് ഉപയോഗിക്കുന്ന ഈ വേവ് റൈഡര് ബോയ ടൗട്ടെ ചുഴലിക്കാറ്റ് ഉള്പ്പെടെ കൃത്യമായി പ്രവചിക്കുന്നതിന് സഹായിച്ച ഉപകരണമായിരുന്നു. കോടികള് വിലയുള്ള ഒംനി ബോയയുമായി ജൂലൈ മുതല് ബന്ധം നഷ്ടമായിരുന്നു.
കഴിഞ്ഞ ദിവസം ഇത് മഹാരാഷ്ട്ര തീരത്ത് നിന്നും കണ്ടെത്തുമ്പോൾ സോളര് പാനലുകള് ഇളക്കി മാറ്റിയ നിലയിലാണ്. നിലവിൽ ഉപകരണം ചെന്നൈയിലെ നാഷണല് ഇന്സ്റ്റിറ്റിയൂട്ട് ഓഫ് ഓഷ്യന് ടെക്നോളജിയിലെ ശാസ്ത്രജ്ഞര് ഏറ്റെടുത്തു. സമീപ ദിവസങ്ങളിൽ ചില മത്സ്യ തൊഴിലാളികള് ഈ ബോയക്ക് മുകളില് കയറി നില്ക്കുന്ന ദൃശ്യങ്ങള് സോഷ്യൽ മീഡിയയിലൂടെ പുറത്ത് വന്നിരുന്നു.
ഇതോടുകൂടിയാണ് ഉപകരണത്തിനായി തെരച്ചില് ശക്തമാക്കിയത്. കോസ്റ്റല് പൊലീസ് കോസ്റ്റ് ഗാര്ഡ് എന്നിവയുടെ നേതൃത്വത്തിലായിരുന്നു തെരച്ചില്. മല്സ്യത്തൊഴിലാളികള് അംഗങ്ങളായുള്ള കോസ്റ്റല് പൊലീസിന് കീഴിലെ എഴുന്നൂറിലേറെ വാട്സാപ്പ് ഗ്രൂപ്പുകളിലും ബോയയുടെ വിവരങ്ങള് കൈമാറിയിരുന്നു. പിന്നാലെയാണ് ഉപകരണം കണ്ടെത്തിയത്.
പ്രതികരിക്കാൻ ഇവിടെ എഴുതുക