പത്തനംതിട്ട: ജലനിരപ്പ് ഉയര്ന്നതിനെ തുടര്ന്ന് കക്കി-ആനത്തോട് ഡാമിന്റെ രണ്ടും മൂന്നും ഷട്ടറുകള് 30 സെന്റിമീറ്റര് ഉയര്ത്തി . 50 ക്യൂമെക്സ് വെള്ളം ഒഴുക്കിവിടും.
ഡാമിന്റെ അപ്പര് റൂള് ലെവല് കടന്നിരിക്കുകയാണ്. കക്കി ഡാമിന്റെ പരമാവധി സംഭരണശേഷിയുടെ 93.98 ശതമാനം നിറഞ്ഞിരിക്കുന്നതായും പത്തനംതിട്ട ജില്ലാ കളക്ടര് ദിവ്യ എസ് അയ്യര് അറിയിച്ചു.
അണക്കെട്ട് തുറന്ന സാഹചര്യത്തില് പമ്പയാറിന്റെയും കക്കട്ടാറിന്റെയും തീരത്തു താമസിക്കുന്നവര് ജാഗ്രത പാലിക്കണമെന്ന് ജില്ലാ ഭരണകൂടം മുന്നറിയിപ്പ് നല്കി.
പ്രശ്നമേഖലകളിലുള്ളവര് സുരക്ഷിതമായി ദുരിതാശ്വാസക്യാമ്പുകളിലേക്ക് മാറണമെന്നും ജില്ലാ കളക്ടര് ആവശ്യപ്പെട്ടു.
പ്രതികരിക്കാൻ ഇവിടെ എഴുതുക