ദില്ലി: രാജ്യത്ത് ഒമിക്രോൺ ബാധിതരുടെ എണ്ണം വർധിക്കുന്നതിനാൽ കുട്ടികളുടെ കാര്യത്തിൽ ജാഗ്രത തുടരണമെന്ന് ആരോഗ്യ വിദഗ്ധർ. മാതാപിതാക്കൾ നിർബന്ധമായും വാക്സീൻ സ്വീകരിച്ചിരിക്കണമെന്നും ആരോഗ്യ വിദഗ്ധർ മുന്നറിയിപ്പ് നൽകുന്നു.
ഇതിനിടെ ഘാനയെയും ടാൻസാനിയയെയും ഉൾപെടുത്തി ഹൈ റിസ്ക് രാജ്യങ്ങളുടെ പട്ടിക കേന്ദ്ര സർക്കാർ പുതുക്കി ഇറക്കി. വിദേശത്തു നിന്ന് മഹാരാഷ്ട്രയിൽ എത്തിയ 120 പേരെ മുംബൈയിൽ കണ്ടെത്താനാകാത്തത് ആശങ്കക്കിടയാക്കിയിട്ടുണ്ട്.
ഒമിക്രോണ് ജാഗ്രത തുടരുന്നതിനിടെ രാജ്യത്ത് അധിക ഡോസ് വാക്സീന് നല്കുന്നതിലെ തീരുമാനം ലോകാരോഗ്യ സംഘടന നിര്ദ്ദേശമനുസരിച്ചായിരിക്കുമെന്ന് കേന്ദ്രസർക്കാർ അറിയിച്ചിട്ടുണ്ട്.
രണ്ട് ഡോസ് വാക്സീനെടുത്തവരുടെ പ്രതിരോധ ശേഷി കുറയുന്നതായി എവിടെയും റിപ്പോര്ട്ടില്ലെന്നാണ് കേന്ദ്രസര്ക്കാരന്റെ നിലപാട്. കുട്ടികളുടെ വാക്സിനേഷനില് വിശദമായ മാര്ഗനിര്ദ്ദേശം വൈകാതെ പുറത്തിറക്കും.
23 പേര്ക്ക് രാജ്യത്ത് ഒമിക്രോണ് ബാധിച്ച പശ്ചാത്തലത്തിലാണ് അധിക ഡേസ് വാക്സീന് നല്കണമെന്ന ആവശ്യം ശക്തമാകുന്നത്. വാക്സിനേഷന് അര്ഹരായ ജനസംഖ്യയില് പകുതിയിലേറെ പേര്ക്ക് രണ്ട് ഡോസ് വാക്സീന് നല്കിയതും, നിര്മ്മാണ കമ്പനികള് വാക്സീന് ഉത്പാദനം കൂട്ടിയതും അനുകൂലാന്തരീക്ഷമായി സംസ്ഥാനങ്ങള് ചൂണ്ടിക്കാട്ടുന്നു.
അധിക ഡോസ് നല്കുന്നതില് രണ്ട് നിര്ദ്ദേശങ്ങളാണ് സര്ക്കാരിന് മുന്നിലുള്ളത്. രണ്ട് ഡോസ് വാക്സീന് എടുത്ത രോഗ പ്രതിരോധ ശേഷി കുറയുന്നവര്ക്കും മറ്റ് രോഗങ്ങളലട്ടുന്നവര്ക്കും മൂന്നാമത് ഒരു ഡോസ് കൂടി നല്കി പ്രതിരോധം നിലനിര്ത്തുക.
പ്രതികരിക്കാൻ ഇവിടെ എഴുതുക