ഹൈദരാബാദ്: വിവാഹത്തിന് ശേഷം സൗദി അറേബ്യയിലേക്ക് പോയ ഭര്ത്താവിന് അയച്ച സന്ദേശങ്ങള്ക്ക് മറുപടി ലഭിക്കാത്തതിനെ തുടര്ന്ന് ഇരുപത്തിനാലുകാരിയായ നവവധു ആത്മഹത്യ ചെയ്തു. ഖനേജ ഫാത്തിമയാണ്(24) ഭര്ത്താവിന്റെ വീട്ടില് തൂങ്ങിമരിച്ചത്.
സൗദിയില് റിസര്ച്ച് അനലിസ്റ്റായ സയ്യിദ് ഹമീദുമായി കഴിഞ്ഞ ജൂലൈ മാസത്തിലാണ് ഫാത്തിമയുടെ വിവാഹം നടന്നത്. വിവാഹത്തിന് ശേഷം രണ്ട് മാസം കഴിഞ്ഞ് ഇയാള് സൗദിയിലേക്ക് മടങ്ങി.
എന്നാല് അതിന് ശേഷം ഇയാള് ഭാര്യയുമായി ബന്ധപ്പെട്ടില്ലെന്നാണ് ബന്ധുക്കള് പറയുന്നത്. അയച്ച ഒരു സന്ദേശത്തിന് പോലും മറുപടി അയക്കാത്തതിനെ തുടര്ന്ന് ഫാത്തിമ കടുത്ത മാനസിക വിഷമത്തിലായിരുന്നുവെന്ന് പൊലീസിനോട് ബന്ധുക്കള് പറഞ്ഞു.
ഭര്തൃമാതാവ് അടക്കമുള്ളവരുമായി ഫാത്തിമ തന്റെ സങ്കടം പങ്കുവച്ചിരുന്നു. എന്നാല് വിഷമിക്കേണ്ടതില്ലെന്നും ചില ആരോഗ്യ പ്രശ്നങ്ങള് കാരണം ഹമീദ് ബുദ്ധിമുട്ടുകയാണ് എന്നാണ് ഫാത്തിമയെ ബന്ധുക്കള് അറിയിച്ചത്.
(ആത്മഹത്യ ഒരു പ്രശ്നത്തിനും പരിഹാരമല്ല. പ്രതിസന്ധികൾ അത്തരം തോന്നൽ ഉണ്ടാക്കിയാൽ കൗൺസലിംഗ് പിന്തുണക്കായി ഈ നമ്പറുകളിൽ വിളിക്കാം 1056, 0471- 2552056)
പ്രതികരിക്കാൻ ഇവിടെ എഴുതുക