തിരുവനന്തപുരം∙ സംസ്ഥാനത്ത് 4 പേര്ക്ക് കൂടി ഒമിക്രോണ് സ്ഥിരീകരിച്ചതായി ആരോഗ്യമന്ത്രി
വീണാ ജോര്ജ് അറിയിച്ചു. നാല് പേരും തിരുവനന്തപുരം ജില്ലയിലാണുള്ളത്.
തിരുവനന്തപുരത്ത് കഴിഞ്ഞ ദിവസം ഒമിക്രോണ് സ്ഥിരീകരിച്ച 17 വയസുകാരനോടൊപ്പം യുകെയില് നിന്നെത്തിയ മാതാവ്(41), പ്രാഥമിക സമ്പര്ക്ക പട്ടികയിലുള്ള അമ്മൂമ്മ (67), യുകെയില് നിന്നുമെത്തിയ യുവതി(27), നൈജീരിയയില് നിന്നുമെത്തിയ യുവാവ് (32) എന്നിവര്ക്കാണ് ഒമിക്രോണ് സ്ഥിരീകരിച്ചത്.
27 വയസ്സുകാരി വിമാനത്തിലെ സമ്പര്ക്കപ്പട്ടികയിലുള്ള യാളാണ്. ഇവര് ഡിസംബര് 12നാണ് യുകെയില് നിന്നും തിരുവനന്തപുരം വിമാനത്താവളത്തിലെത്തിയത്. തുടര്ന്ന് ക്വാറന്റീനിലായ ഇവരെ ഡിസംബര് 16ന് പരിശോധിച്ചപ്പോഴാണ് കോവിഡ് പോസിറ്റീവായത്.
32 വയസ്സുകാരന് ഡിസംബര് 17ന്
നൈജീരിയയില് നിന്നും എത്തിയതാണ്. വിമാനത്താവളത്തിലെ പരിശോധനയില് കോവിഡ്
പോസിറ്റീവായതിനെ തുടര്ന്ന് ആശുപത്രിയില് പ്രത്യേക വാര്ഡില് പ്രവേശിപ്പിച്ചു.
കോവിഡ് പോസിറ്റീവായതിനെ തുടര്ന്ന് രാജീവ് ഗാന്ധി സെന്റര് ഫോര് ബയോടെക്നോളജിയില്
അയച്ച സാംപിളുകളുടെ പരിശോധനാ ഫലത്തിലാണ് ഇവര്ക്ക് ഒമിക്രോണ് സ്ഥിരീകരിച്ചത്. ഇതോടെ
സംസ്ഥാനത്ത് ആകെ 15 പേര്ക്കാണ് ഒമിക്രോണ് സ്ഥിരീകരിച്ചത്.
പ്രതികരിക്കാൻ ഇവിടെ എഴുതുക