കൊച്ചി: നടിയെ ആക്രമിച്ച കേസില് നടന് ദിലീപിനെതിരെ ക്രൈംബ്രാഞ്ച് പുതിയ കേസ് രജിസ്റ്റർ ചെയ്തു. അന്വേഷണ ഉദ്യോഗസ്ഥരെ അപായപ്പെടുത്താൻ ഗൂഢാലോചന നടത്തിയതിനാണ് കേസ്. ജാമ്യത്തില് പുറത്തിറങ്ങിയ ശേഷം ദിലീപ് അന്വേഷണ ഉദ്യോഗസ്ഥര്ക്കെതിരെ ഗൂഢാലോചന നടത്തിയെന്ന സംവിധായകൻ ബാലചന്ദ്രകുമാറിന്റെ മൊഴിയുടെ അടിസ്ഥാനത്തിലാണ് കേസെടുത്തത്. ക്രൈംബ്രാഞ്ചിന്റെ തിരുവനന്തപുരം യൂണിറ്റാണ് കേസെടുത്തത്.
ദിലീപിന്റെ സംഭാഷണം താന് അന്ന് ടാബില് റെക്കോര്ഡ് ചെയ്തിരുന്നുവെന്ന് ബാലചന്ദ്രകുമാര് പറഞ്ഞിരുന്നു. ഈ ശബ്ദ സാമ്പിള് ഉള്പ്പെടെ പൊലീസിന് കൈമാറിയിട്ടുണ്ടെന്ന് ബാലചന്ദ്രകുമാര് പറഞ്ഞു. നടിയെ ആക്രമിച്ച കേസിലെ പള്സര് സുനി അടക്കമുള്ള പ്രതികളെ അപായപ്പെടുത്താനും ദിലീപ് ഗൂഢാലോചന നടത്തിയെന്ന് ബാലചന്ദ്രകുമാര് പറഞ്ഞു.
അന്വേഷണ ഉദ്യോഗസ്ഥൻ എസ്.പി കെ.എസ് സുദര്ശന്റെ കൈവെട്ടണമെന്ന് ഉള്പ്പെടെയുള്ള പരാമര്ശങ്ങളുടെ അടിസ്ഥാനത്തിലാണ് കേസ്. ബാലചന്ദ്രകുമാര് തെളിവു സഹിതം അന്വേഷണ ഉദ്യോഗസ്ഥര്ക്കു മൊഴി നല്കിയിരുന്നു. ദിലീപിനെ ഉടന് അന്വേഷണസംഘം ചോദ്യംചെയ്തേക്കും.
പ്രതികരിക്കാൻ ഇവിടെ എഴുതുക