ഇന്ത്യയില് നിന്ന് സംഭരിച്ച ഡീസല് യൂണിറ്റുകള് ഉപയോഗിച്ച് ശ്രീലങ്കയില് സുപ്രധാന മേഖലയില് റെയില്വേ സര്വ്വീസ് ആരംഭിച്ചു. ഞായറാഴ്ചയാണ് സര്വ്വീസ് ആരംഭിച്ചത്.
ദ്വീപ് രാഷ്ട്രത്തിന്റെ വികസനത്തിന് വേണ്ടിയുള്ള പദ്ധതികളുടെ ഭാഗമായാണ് ഇന്ത്യയില് നിന്നും ഡീസല് യൂണിറ്റുകള് ശ്രീലങ്കയിലെത്തിയത്. കൊളംബോ നഗരത്തെ കാങ്കസന്തുരൈയുമായി ബന്ധിപ്പിക്കുന്നതാണ് പുതിയ സര്വ്വീസ്.
തമിഴ് വംശജര് താമസിക്കുന്ന ജാഫ്ന ഉപദ്വീപിന്റെ വടക്കേ അറ്റത്തുള്ള പ്രദേശമാണ് കാങ്കസന്തുരൈ. ശ്രീലങ്കയുമായുള്ള ഇന്ത്യയുടെ വികസന പങ്കാളിത്തത്തിലെ സുപ്രധാന ചുവട് വയ്പ് കൂടിയാണ് ഇത്.
ശ്രീലങ്കയുടെ അടിസ്ഥാന വികസനത്തിന് ശക്തി നല്കുന്നതാണ് ഇന്ത്യയുടെ നീക്കമെന്ന് ശ്രീലങ്കയിലെ ഇന്ത്യന് ഹൈ കമ്മീഷണര് അഭിപ്രായപ്പെട്ടു. ഇന്ത്യ ശ്രീലങ്ക ബന്ധത്തിലെ മറ്റൊരു നാഴികക്കല്ലാണിതെന്ന് ഗതാഗത മന്ത്രി പവിത്ര വണ്ണിയരച്ചി പറഞ്ഞു.
കൊവിഡ് പേമാരിക്കിടയിലെ ഇന്ത്യാ സര്ക്കാരിന്റെ സഹായത്തിന് ഏറെ കടപ്പെട്ടിരിക്കുന്നതായും മന്ത്രി വ്യക്തമാക്കി. ആളുകള് തമ്മിലുള്ള കൈമാറ്റം സുഗമമാകാനും രണ്ട് രാജ്യങ്ങള് തമ്മിലുള്ള സഹകരണത്തിനും ഊന്നല് നല്കുന്നതാണ് പദ്ധതിയെന്ന് ഇന്ത്യന് ഡെപ്യൂട്ടി ഹൈക്കമ്മീഷണര് വിനോദ് കെ ജേക്കബ് പറഞ്ഞു.
പ്രതികരിക്കാൻ ഇവിടെ എഴുതുക