സംസ്ഥാനത്ത് കോവിഡ് പരിശോധനയ്ക്കുൾപ്പെടെ നിരക്ക് കുറച്ചു. കോവിഡ് പരിശോധനയ്ക്കും സുരക്ഷാ സാമഗ്രികള്ക്കും നിരക്ക് പുന:ക്രമീകരിച്ച് ഉത്തരവിട്ടതായി ആരോഗ്യ മന്ത്രി വീണാ ജോര്ജ് അറിയിച്ചു. പി.പി.ഇ. കിറ്റ്, എന് 95 മാസ്ക് തുടങ്ങിയ സുരക്ഷാ സാമഗ്രികള്ക്കെല്ലാം നിരക്ക് കുറച്ചിട്ടുണ്ട്.
ആര്ടിപിസിആര് 300 രൂപ, ആന്റിജന് 100 രൂപ, എക്സ്പെര്ട്ട് നാറ്റ് 2,350 രൂപ, ട്രൂനാറ്റ് 1225 രൂപ, ആര്ടി ലാമ്പ് 1025 രൂപ എന്നിങ്ങനെയാണ് പുതിയ നിരക്കുകൾ. നേരത്തെ ആര്ടിപിസിആര് 500 രൂപ, ആന്റിജന് 300 രൂപ, എക്സ്പെര്ട്ട് നാറ്റ് 2500 രൂപ, ട്രൂനാറ്റ് 1500 രൂപ, ആര്ടി ലാമ്പ് 1150 രൂപ എന്നിങ്ങനെയായിരുന്നു ഉണ്ടായിരുന്നത്.
പിപിഇ കിറ്റ് യൂണിറ്റിന് എക്സ്.എല്. സൈസിന് 154 രൂപയും ഡബിള് എക്സ്.എല്. സൈസിന് 156 രൂപയുമാണ് ഏറ്റവും കുറഞ്ഞ തുക. എക്സ്.എല്., ഡബിള് എക്സ്.എല്. സൈസിന് ഉയര്ന്ന തുക 175 രൂപയും എന് 95 മാസ്ക് ഒരെണ്ണത്തിന് കുറഞ്ഞ തുക 5.50 രൂപയും ഉയര്ന്ന തുക 15 രൂപയുമാണ്.
പ്രതികരിക്കാൻ ഇവിടെ എഴുതുക