ഉക്രെയ്നിലെ ഖാർകിവിനും കീവിനും ഇടയിലുള്ള സുമി പ്രവിശ്യയിലെ ഒഖ്തിർക്കയിലെ സൈനിക താവളത്തിൽ റഷ്യൻ സൈന്യം ആക്രമണം നടത്തി, 70-ലധികം ഉക്രേനിയൻ സൈനികർ കൊല്ലപ്പെട്ടു.
സുമി പ്രവിശ്യയുടെ ഗവർണർ ദിമിട്രോ ഷിവിറ്റ്സ്കിയാണ് ടെലിഗ്രാമിൽ ഈ വിവരം നൽകിയത്. കത്തിനശിച്ച നാല് നില കെട്ടിടത്തിന്റെയും അവശിഷ്ടങ്ങൾക്കിടയിൽ ആളുകളെ തിരയുന്ന രക്ഷാപ്രവർത്തകരുടെയും ചിത്രങ്ങൾ അദ്ദേഹം പോസ്റ്റ് ചെയ്തു.
ഞായറാഴ്ച നടന്ന യുദ്ധത്തിൽ നിരവധി റഷ്യൻ സൈനികരും നിരവധി പ്രാദേശിക പൗരന്മാരും മരിച്ചുവെന്ന് അദ്ദേഹം പിന്നീട് ഫേസ്ബുക്ക് പോസ്റ്റിൽ എഴുതി.
ലോകമെമ്പാടുമുള്ള രാജ്യങ്ങൾ റഷ്യയ്ക്കെതിരെ ഉപരോധം ഏർപ്പെടുത്തുന്നത് തുടരുകയാണ്. മൂന്ന് പ്രമുഖ ഹോളിവുഡ് സ്റ്റുഡിയോകൾ ‘ദ ബാറ്റ്മാൻ’ ഉൾപ്പെടെ എല്ലാ റഷ്യൻ തീയറ്ററുകളിലും തങ്ങളുടെ സിനിമകളുടെ റിലീസ് നിർത്തിവച്ചു.
വാർണർ ബ്രദേഴ്സ്, ദി വാൾട്ട് ഡിസ്നി കമ്പനി, സോണി പിക്ചേഴ്സ് എന്നിവർ തങ്ങളുടെ സിനിമ റഷ്യയിൽ റിലീസ് ചെയ്യുന്നത് നിർത്തിവയ്ക്കുകയാണെന്ന് തിങ്കളാഴ്ച അറിയിച്ചു.
പ്രതികരിക്കാൻ ഇവിടെ എഴുതുക