കൊളംബോ: ശ്രീലങ്കയില് സാമ്പത്തിക പ്രതിസന്ധി അതിരൂക്ഷമാകുന്നു. ഇന്ധനം കിട്ടാതെ വൈദ്യുത
നിലയങ്ങള് അടച്ചതോടെ രാജ്യം ഇരുട്ടില്. തലസ്ഥാനമായ കൊളംബോയിലടക്കം ദിവസവും അഞ്ചുമണിക്കൂര് വീതം പവര് കട്ട് പ്രഖ്യാപിച്ചു.
കൊളംബോ നഗരത്തിന്റെയും ഇന്ധന വിതരണ കേന്ദ്രങ്ങളുടെയും നിയന്ത്രണം പട്ടാളം ഏറ്റെടുത്തു. അതിനിടെ അഭയാര്ഥി പ്രവാഹമുണ്ടാകുമെന്ന സൂചനകളെ തുടര്ന്നു പാക്ക് കടലിടുക്കില് ഇന്ത്യ നിരീക്ഷണം ശക്തമാക്കി.
ബസുടമകളുടേത് അനാവശ്യ സമരമെന്ന് മന്ത്രി ആന്റണി രാജു; നിരക്ക് കൂട്ടും, അത് സമരത്ത തുടര്ന്നാണെന്ന് വരുത്താനുള്ള ശ്രമമാണ് നടക്കുന്നതെന്ന് മന്ത്രി
പൂര്ണമായി ഇറക്കുമതിയെ ആശ്രയിക്കുന്ന ദ്വീപ് രാജ്യത്ത് തൊട്ടതിനും പിടിച്ചതിനുമെല്ലാം വില കുത്തനെകൂടി. മണിക്കൂറുകള് വരിനിന്നാലും പെട്രോളും പാചക വാതകവും കിട്ടാനില്ല.
കൊളംബോ തുറമുഖത്തെത്തിയ 1500 കണ്ടെയ്നര് ഭക്ഷണ വസ്തുക്കള് കപ്പലില് നിന്ന് ഇറക്കാനായിട്ടില്ല. കടത്ത്കൂലി ഡോളറില് വേണമെന്നു കപ്പല് കമ്പനികള് വാശിപിടിക്കുകയാണ്. എന്നാല് ഇന്ത്യ വായ്പയായി നല്കിയ പണം മാത്രമേ സര്ക്കാരിന്റെ കൈവശമുള്ളൂ.
അവ രൂപയില് തന്നെ വിനിമയം നടത്തണമെന്നാണു കരാര്. ഡീസലില്ലാതെ വൈദ്യുത നിലയങ്ങള് അടച്ചതോടെ അഞ്ചുമണിക്കൂര് പവര്കട്ട് ഏര്പ്പെടുത്തി.
പ്രതികരിക്കാൻ ഇവിടെ എഴുതുക