സി.പി.ഐ.എം കോഴിക്കോട് ജില്ലാ സെക്രട്ടേറിയേറ്റ് അംഗം ജോര്ജ് എം. തോമസിനെതിരെ കോൺഗ്രസ് നേതാവ് വി ടി ബൽറാം .
ലൗ ജിഹാദ് എന്ന സംഘപരിവാര് നുണപ്രചരണം അതേപടി ഏറ്റെടുത്ത് ആവര്ത്തിക്കുകയാണ് ജോർജ് തോമസ് എന്ന് വി.ടി. ബല്റാം ആരോപിച്ചു.
ലൗ ജിഹാദ് എന്നത് യാഥാര്ത്ഥ്യമാണെന്ന് ജോര്ജ് എം. തോമസ് പറഞ്ഞതിന് പിന്നാലെയാണ് വി.ടി. ബല്റാമിന്റെ പ്രതികരണം.
‘കേരളത്തില് ലൗ ജിഹാദ് എന്ന സംഘപരിവാര് നുണപ്രചരണം അതേപടി ഏറ്റെടുത്ത് ആവര്ത്തിക്കുന്നത് തിരുവമ്പാടിയിലെ മുന് സി.പി.ഐ.എം എം.എല്.എ ജോര്ജ് എം. തോമസ്. രണ്ട് പ്രധാനമന്ത്രിമാരുടെ കുടുംബചരിത്രം വക്രീകരിച്ച് അപമാനിക്കുന്ന സംഘ് പരിവാര് വാട്സ്ആപ്പ് പ്രചരണം അതേപടി ഏറ്റെടുത്ത് ആവര്ത്തിക്കുന്നത് തിരുവമ്പാടിയിലെ ഇപ്പോഴത്തെ സി.പി.ഐ.എം എം.എല്.എ ലിന്റോ ജോസഫ്.
ഒരു ഉപതെരഞ്ഞെടുപ്പ് അടുത്തുവരുന്നുണ്ടെന്ന് വെച്ച് എന്തിനാണ് ഈ പാര്ട്ടി കേരളത്തിന്റെ സാമൂഹ്യാന്തരീക്ഷത്തെ ഇങ്ങനെ വിഷലിപ്തമാക്കുന്നത്,’ വി.ടി. ബല്റാം ഫേസ്ബുക്കില് കുറിച്ചു.
ജമാഅത്തെ ഇസ്ലാമിയും എസ്.ഡി.പി.ഐയും അടക്കമുള്ള സംഘടനകള് ഉന്നത വിദ്യാഭ്യാസം നേടിയ വിദ്യാര്ത്ഥിനികളെ ലൗ ജിഹാദില് കുടുക്കുന്നുണ്ടെന്നും ജോര്ജ് എം. തോമസ് പറഞ്ഞിരുന്നു. ഡി.വൈ.എഫ്.ഐ നേതാവ് ഷിജിനും ജ്യോത്സനയും തമ്മിലുള്ള വിവാഹം വിവാദമായതിന് പിന്നാലെയാണ് ജോര്ജ് എം. തോമസിന്റെ പ്രതികരണം.
പ്രതികരിക്കാൻ ഇവിടെ എഴുതുക