വിവാഹത്തിന് വരൻ എത്താൻ വൈകിയതിനെ തുടർന്ന് മറ്റൊരു വ്യക്തിയെ വിവാഹം കഴിച്ച് വധു. മഹാരാഷ്ട്രയിലെ ബുൽദാന ജില്ലയിലാണ് സംഭവം.ഏപ്രിൽ 22ന് വൈകീട്ട് 4 മണിക്കാണ് വിവാഹം നടത്താൻ നിശ്ചയിച്ചിരുന്നത്.
എന്നാൽ സുഹൃത്തുക്കൾക്കൊപ്പം മദ്യപിച്ചും ആടിയും പാടിയും സമയം കളഞ്ഞ വരൻ വിവാഹത്തിനെത്തിയത് രാത്രി 8 മണിക്കാണ്. മണിക്കൂറുകൾ കാത്തിരുന്നിട്ടും വരൻ എത്താതിരുന്നതോടെ പെൺകുട്ടി വിവാഹത്തിനെത്തിയ മറ്റൊരു യുവാവിനെ വിവാഹം കഴിച്ചു.
‘ഏപ്രിൽ 22ന് വൈകീട്ട് 4 മണിക്കായിരുന്നു വിവാഹം നടക്കേണ്ടിയിരുന്നത്. എന്നാൽ മദ്യപിച്ചും സുഹൃത്തുക്കൾക്കൊപ്പം നൃത്തം ചെയ്തും വരൻ തിരക്കിലായിരുന്നു. അതുകൊണ്ട് ഞാൻ എന്റെ മകളെ ബന്ധുവായ ഒരു യുവാവിനെകൊണ്ട് വിവാഹം കഴിപ്പിച്ചു’- പെൺകുട്ടിയുടെ അച്ഛൻ പറഞ്ഞു.
പ്രതികരിക്കാൻ ഇവിടെ എഴുതുക