കോണ്ഗ്രസിന് ഐക്യദാര്ഢ്യം പ്രഖ്യാപിച്ച് നടനും സംവിധായകമായ ജോയ് മാത്യു. ഫേസ്ബുക്കില് പങ്കുവെച്ച കുറിപ്പിലാണ് തൃക്കാക്കര ഉപതെരഞ്ഞെടുപ്പിൽ കോണ്ഗ്രസിന് ഐക്യദാര്ഢ്യം പ്രഖ്യാപിച്ചത്.
രാഷ്ട്രീയ കൊലപാതകത്തിനിരയായ ടി. പി ചന്ദ്രശേഖരന്റെ ഭാര്യ കെ.കെ രമയെയും, കോണ്ഗ്രസ് നേതാവ് പി.ടി തോമസിന്റെ ഭാര്യയും തൃക്കാക്കരയിലെ കോണ്ഗ്രസ് സ്ഥാനാര്ഥി ഉമ തോമസിനെയും ഉദ്ധരിച്ചായിരുന്നു ജോയ് മാത്യുവിന്റെ കുറിപ്പ്.
രക്തസാക്ഷികളുടെ ഭാര്യമാര് എന്ന തലക്കെട്ടോടെയാണ് കുറിപ്പ് എഴുതിയിരിക്കുന്നത്. ” വിശ്വസിച്ച പാര്ട്ടിയുടെ വെട്ടേറ്റു വീണ യോദ്ധാവിന്റെ ഭാര്യ രമയ്ക്ക് കരുത്തേകാന് പടക്കളത്തില് സ്വയം എരിഞ്ഞടങ്ങിയ പോരാളിയുടെ ഭാര്യ ഉമ കൂടി വേണമെന്ന് ആരാണ് ആഗ്രഹിക്കാത്തത് എന്നാണ് ജോയ് മാത്യു എഴുതിയത് .
മെയ് 31നാണ് തൃക്കാക്കരയില് ഉപതെരഞ്ഞെടുപ്പ് . തെരഞ്ഞെടുപ്പ് നടക്കാന് ദിവസങ്ങള് മാത്രം ബാക്കി നില്ക്കേ മുന്നണികള് പ്രചരണം ശക്തമാക്കിയിട്ടുണ്ട്.
കോണ്ഗ്രസ് സ്ഥാനാര്ത്ഥിയായി പി.ടി തോമസിന്റെ ഭാര്യ ഉമാ തോമസാണ് മണ്ഡലത്തില് മത്സരിക്കുന്നത്. ഇടതു മുന്നണി സ്ഥാനാര്ത്ഥിയായി ലിസി ആശുപത്രിയിലെ ഹൃദ്രോഗ വിദഗ്ദന് ഡോ ജോ ജോസഫ് കളത്തിലിറങ്ങും.
പ്രതികരിക്കാൻ ഇവിടെ എഴുതുക