കാസര്കോട്: ബോവിക്കാനത്തെ പത്താം ക്ലാസ് വിദ്യാര്ഥിനി ഷുഹൈലയുടെ ദുരൂഹ മരണത്തില് പ്രതികളെ പിടികൂടാൻ കഴിയാതെ ഇരുട്ടില് തപ്പി പൊലീസ്.
ഷുഹൈലയെ ഫോണില് നിരന്തരം ശല്യം ചെയ്ത യുവാക്കളെ കുറിച്ചുള്ള വിവരങ്ങള് പൊലീസിനു കൈമാറിയിട്ടും യാതൊരു നടപടി ഉണ്ടായില്ലെന്നും കുടുംബം ആരോപിക്കുന്നു.
എസ്എസ്എൽസി പരീക്ഷയുടെ തലേദിവസം മാര്ച്ച് 30നു വീട്ടിലെ കിടപ്പുമുറിയില് ഷുഹൈലയെ തൂങ്ങിമരിച്ച നിലയിൽ കണ്ടെത്തുകയായിരുന്നു.
മരണത്തില് ദുരൂഹതയുണ്ടെന്നു ചൂണ്ടിക്കാട്ടി കുടുംബം ആദൂര് പൊലീസിനു പിറ്റേദിവസം തന്നെ പരാതി നല്കുകയും ചെയ്തു. എന്നാല് നാളിതുവരെ കേസില് യാതൊരു പുരോഗതിയുമുണ്ടായില്ലെന്നു കുടുംബം ആരോപിക്കുന്നു.
അതേസമയം, പ്രതികളെ എത്രയും വേഗം പിടികൂടണമെന്ന് ആവശ്യപ്പെട്ട് രാപകല് സമരത്തിന് ഒരുങ്ങുകയാണ് ആക്ഷൻ കമ്മിറ്റി.
പ്രതികരിക്കാൻ ഇവിടെ എഴുതുക