ടൊവിനോ തോമസിനെ നായകനാക്കി വിനീത് കുമാര് സംവിധാനം ചെയ്ത ഡിയര് ഫ്രണ്ട് എന്ന് ചിത്രത്തിന്റെ ഒടിടി റിലീസ് പ്രഖ്യാപിച്ചു. നെറ്റ്ഫ്ലിക്സിലൂടെ ജൂലൈ 10ന് ചിത്രം പ്രേക്ഷകരിലേക്ക് എത്തും. ജൂണ് 10ന് തിയറ്ററുകളില് എത്തിയ ചിത്രമാണിത്. ദര്ശന രാജേന്ദ്രൻ, അര്ജുന് ലാല്, ബേസില് ജോസഫ്, അർജുന് രാധാകൃഷ്ണൻ, സഞ്ജന നടരാജൻ എന്നിവര് മറ്റു പ്രധാന കഥാപാത്രങ്ങളെ അവതരിപ്പിച്ചിരിക്കുന്നു. അയാള് ഞാനല്ല എന്ന ചിത്രത്തിനു ശേഷം വിനീത് കുമാർ സംവിധാനം ചെയ്യുന്ന ചിത്രമാണിത്.
അഞ്ച് സുഹൃത്തുക്കളുടെ കഥയാണ് ചിത്രം പറയുന്നത്. ഷൈജു ഖാലിദ് ആണ് ഛായാഗ്രഹണം. ഷറഫു, സുഹാസ്, അര്ജുന്ലാല് എന്നിവര് ചേര്ന്നാണ് തിരക്കഥ, സംഭാഷണം എഴുതിയിരിക്കുന്നത്. ഹാപ്പി അവേഴ്സ് എന്റര്ടെയ്ന്മെന്റ്സ്, ആഷിഖ് ഉസ്മാന് പ്രൊഡക്ഷന്സ് എന്നി ബാനറുകളിൽ ഷൈജു ഖാലിദ്, സമീര് താഹിര്, ആഷിഖ് ഉസ്മാന് എന്നിവര് ചേർന്നാണ് ചിത്രം നിര്മ്മിച്ചിരിക്കുന്നത്.
പ്രതികരിക്കാൻ ഇവിടെ എഴുതുക