ചേരുവകള്
അരി അട – അര കപ്പ്
തേങ്ങാ പാല് – മൂന്നു കപ്പ്
പഞ്ചസാര – അര കപ്പ്
ഏലയ്ക്കാ പൊടി – കാല് ടീസ്പൂണ്
അണ്ടിപ്പരിപ്പ് – 25 ഗ്രാം
കിസ്മിസ് – 25 ഗ്രാം
നെയ്യ് – അര ടീസ്പൂണ്
തയാറാക്കേണ്ട വിധം
തയാറാക്കേണ്ട വിധം
ചൂടാക്കിയ വെള്ളത്തില് അട കുതിര്ത്തു വയ്ക്കുക. കുതിര്ത്ത അട സാദാ വെള്ളത്തില് രണ്ടു മൂന്നു തവണ കഴുകി എടുക്കുക. അട തമ്മില് ഒട്ടിപ്പിടിക്കാതിരിക്കാനാണ് ഇങ്ങനെ ചെയ്യുന്നത്. വെള്ളം ഒഴിവാക്കുക.
മൂന്നു കപ്പ് പാല് നന്നായി ചൂടാക്കുക. അതിലേക്ക് കഴുകി വെച്ച അട തീ കുറച്ചിവച്ച് ഇട്ടു വേവിക്കുക. അട നല്ലതുപോലെ കട്ടിയില്ലാതാകുന്നതു വരെ വേവിക്കണം. ഇതിലേക്ക് പഞ്ചസാരയും ചേര്ത്ത് കുറച്ചു നേരം കൂടി ഇളം നിറമാകുന്നതു വരെ വേവിക്കുക. ഇതിലേക്ക് ഏലയ്ക്കാ പൊടി ചേര്ത്ത് ഇളക്കിയ ശേഷം തീ അണയ്ക്കുക.
നെയ്യ് ചൂടാക്കി അതിലേക്ക് അണ്ടിപ്പരിപ്പും കിസ്മിസും ചേര്ത്ത് കുറച്ചുനേരം ഇളക്കിയെടുക്കുക. ഇത് പായസത്തിലേക്ക് ചേര്ക്കണം. 10-15 മിനിറ്റിന് ശേഷം അര ടീ സ്പൂണ് നെയ്യ് കൂടി ചേര്ത്ത് ഇളക്കുക. മധുരമേറും പാലട പായസം ഇപ്പോള് തയാര്.
പ്രതികരിക്കാൻ ഇവിടെ എഴുതുക