ആവശ്യമുള്ള ചേരുവകൾ
ഗ്രീൻ പീസ് – 1 കപ്പ്
സവാള ചെറുതായി അരിഞ്ഞത് -2 എണ്ണം
തക്കാളി -1
പച്ചമുളക് -5
ഇഞ്ചി ,വെളുത്തുള്ളി ചതച്ചത് -1 ടീസ്പൂണ്
മഞ്ഞൾപ്പൊടി -1/2 ടീസ്പൂണ്
മല്ലിപ്പൊടി -1 ടേബിൾ സ്പൂണ്
കറിവേപ്പില -2 തണ്ട്
ഓയിൽ -ആവശ്യത്തിന്
ഉപ്പ് -പാകത്തിന്
തേങ്ങാപ്പൊടി -11/2 ടേബിൾ സ്പൂണ്
വെള്ളം -1 1/2 കപ്പ്
കോഴിമുട്ട പുഴുങ്ങിയത് -2 കഷ്ണങ്ങളാ ക്കിയത്
കുരുമുളകുപ്പൊടി – 1/2 ടീസ്പൂണ്
മല്ലിയില -അലങ്കരിക്കാൻ
ഉണ്ടാക്കുന്ന വിധം
ഗ്രീൻ പീസ് ഉപ്പിട്ട് വേവിച്ചു വയ്ക്കുക.
കോഴിമുട്ട പുഴുങ്ങി തോട് മാറ്റി കഷ്ണങ്ങളാക്കി വെക്കുക.
ചുവടുക്കട്ടിയുള്ള പാത്രം അടുപ്പിൽ വെച്ച് ചൂടാകുമ്പോൾ ഓയിൽ ഒഴിച്ച് ഇഞ്ചി -വെളുത്തുള്ളി ചതച്ചത് ചേർത്ത് മൂപ്പിക്കുക. ശേഷം സവാള, പച്ചമുളക് എന്നിവ ചേർത്ത് വഴറ്റുക .വഴണ്ട് കഴിഞ്ഞാൽ മഞ്ഞൾ പൊടി ചേർക്കാം. മല്ലിപ്പൊടിയും ചേർത്ത് കരിയാതെ പച്ചമണം പോകും വരെ മൂപ്പിക്കുക.തക്കാളി ചെറുതായി അരിഞ്ഞതും ചേർത്ത് നന്നായി വഴറ്റുക.
ശേഷം വേവിച്ചു വച്ച ഗ്രീൻ പീസ് ചേർക്കാം.1 കപ്പ് വെള്ളവും ഒഴിച്ച് നന്നായി തിളപ്പിക്കുക.തിളച്ചു കറി വറ്റിയാൽ തേങ്ങാപ്പൊടി 1 /2 കപ്പ് വെള്ളത്തിൽ ചേർത്ത് കലക്കി കറിയിലേക്ക് ചേർത്ത് മിക്സ് ചെയ്തു
ഉപ്പു നോക്കാം.
തുടർന്ന് കഷ്ണളാക്കിയ കോഴിമുട്ട കറിയിൽ ചേർക്കാം. ഒന്ന് ചൂടായാൽ കറി വേപ്പിലയും ,കുരുമുളക് പൊടിയും ചേർത്ത് തീ അണച്ച് ഉപയോഗിക്കാം
പ്രതികരിക്കാൻ ഇവിടെ എഴുതുക