പത്തനംതിട്ട: കേരളത്തെ ഞെട്ടിച്ച നരബലി കേസില് പുതിയ വിവരങ്ങളാണ് ഓരോ ദിവസവും പുറത്തുവരുന്നത്. ഇപ്പോള് എട്ട് വര്ഷം മുമ്പ് നടന്ന സ്ത്രീയുടെ ദുരൂഹമരണവും സംശയനിഴലിലാണ്.
ഇലന്തൂരില് നരബലിനടന്ന വീടിനു സമീപം തന്നെയാണ് ഈ കൊലപാതകവും നടന്നിരിക്കുന്നത്. നെല്ലിക്കാലാ സ്വദേശിനി 60 വയസുള്ള സരോജിനിയുടെ മൃതദേഹം പന്തളം ഉള്ളന്നൂരിലെ വഴിയരികില്നിന്നാണു ലഭിച്ചത്. ദേഹമാസകലമുള്ള മുറിവിലൂടെ രക്തം വാര്ന്ന നിലയിലായിരുന്നു.
2014 സെപ്റ്റംബര് 14ന് രാവിലെയാണ് മൃതദേഹം വഴിയരികില് കാണുന്നത്. ദേഹമാസകലം 46 മുറിവുകള് കണ്ടെത്തി. മിക്കതും ഇരു കൈകളിലുമായിരുന്നു. ഒരു കൈ അറ്റനിലയിലായിരുന്നു.
രക്തം പൂര്ണമായും വാര്ന്നുപോയ നിലയിലായിരുന്നു മൃതദേഹം കണ്ടെത്തിയത്. ഇലന്തൂരിലെ നരബലിയുടെ പശ്ചാത്തലത്തിലാണ് പുതിയ സംശയം ഉടലെടുക്കുന്നത്.
നരബലി നടന്ന വീടിന്റെ ഒന്നര കിലോമീറ്റര് മാറിയാണ് സരോജിനിയുടെ വീട്. മൃതദേഹം കുളിപ്പിച്ച നിലയില് ആയിരുന്നുവെന്ന് മകന് ആരോപിക്കുന്നു. നിലവില് ക്രൈംബ്രാഞ്ചാണ് കേസ് അന്വേഷിക്കുന്നത്.
പ്രതികരിക്കാൻ ഇവിടെ എഴുതുക