വരണ്ട ചര്മ്മക്കാര്ക്ക് വീടിനുള്ളില് തന്നെ ചെയ്യാവുന്ന ചില സൗന്ദര്യ സംരക്ഷണമാര്ഗങ്ങളുണ്ട്. അത്തരത്തില് വരണ്ട ചര്മ്മമുള്ളവര്ക്ക് പരീക്ഷിക്കാവുന്ന ചില ഫേസ് പാക്കുകളെ പരിചയപ്പെടാം.
ഒന്ന്…
ഒരു നുള്ള് മഞ്ഞള്, ഒരു ടീസ്പൂണ് കറ്റാര്വാഴ ജെല്, ഒരു ടീസ്പൂണ് തേന്, ഒരു ടീസ്പൂണ് റോസ് വാട്ടർ എന്നിവ ചേര്ത്ത് മിശ്രിതമാക്കുക. ഇനി ഈ മിശ്രിതം മുഖത്ത് പുരട്ടി 20 മിനിറ്റിന് ശേഷം കഴുകി കളയുക. വരണ്ട ചര്മ്മമുള്ളവര്ക്ക് ഈ ഫേസ് പാക്ക് നല്ലതാണ്.
രണ്ട്…
ഒരു ടീസ്പൂൺ കറ്റാർവാഴ നീരിൽ ഒരു ടീസ്പൂൺ തൈരും അര ടീസ്പൂൺ ചന്ദനപ്പൊടിയും ചേർത്ത് മുഖത്തു പുരട്ടാം. 20 മിനിറ്റിന് ശേഷം തണുത്ത വെള്ളത്തിൽ കഴുകുക.
മൂന്ന്…
രണ്ട് ടീസ്പൂണ് കടലമാവ്, ഒരു ടീസ്പൂണ് തൈര് എന്നിവ ചേര്ത്ത് നന്നായി യോജിപ്പിക്കുക. ശേഷം ഈ മിശ്രിതം മുഖത്ത് പുരട്ടാം. 30 മിനിറ്റിന് ശേഷം കഴുകി കളയാം.
നാല്…
ഒരു സ്പൂണ് ഓട്സ് നന്നായി പൊടിച്ചതിലേയ്ക്ക് ഒരു ടീസ്പൂൺ തൈര് ചേര്ത്ത് മിശ്രിതമാക്കുക. ശേഷം ഈ മിശ്രിതം അര മണിക്കൂർ മുഖത്ത് പുരട്ടി മസാജ് ചെയ്തു കഴുകാം. വരണ്ട ചർമ്മത്തിന് നല്ലൊരു ഫേസ് പാക്കാണിത്.
പ്രതികരിക്കാൻ ഇവിടെ എഴുതുക