നെറ്റ്ഫ്ലിക്സ് ഉപയോക്താക്കൾക്ക് ഇഷ്ടാനുസൃതമായി മാറ്റാവുന്ന രീതിയിലുള്ള സബ്ടൈറ്റിലുകള് അവതരിപ്പിക്കുന്നു. നെറ്റ്ഫ്ലിക്സിലെ കണ്ടന്റുകള്ക്കൊപ്പം ലഭിക്കുന്ന സബ്ടൈറ്റിലുകള് കാണുന്ന ഒരോ വ്യക്തിയുടെ സൗകര്യം അനുസരിച്ച് ക്രമീകരിക്കാന് പുതിയ ഫീച്ചറുകൾ ഉപയോക്താക്കളെ അനുവദിക്കും.
ഉപയോക്താക്കൾക്ക് സബ്ടൈറ്റില് ടെക്സ്റ്റിലെ ശൈലിയും വലുപ്പവും പരിഷ്ക്കരിക്കാന് പുതിയ ഫീച്ചര് അനുവദിക്കുന്നു. ചെറുത് ഇടത്തരം വലുത് എന്ന രീതിയില് ഫോണ്ട് വലുപ്പം തീരുമാനിക്കാനും കഴിയും.
കൂടാതെ സബ് ടൈറ്റില് ബാക്ഗ്രൗണ്ട് മാറ്റാനും നെറ്റ്ഫ്ലിക്സ് സൗകര്യം നല്കും. സബ്ടൈറ്റിലുകൾക്കായി നെറ്റ്ഫ്ലിക്സ് മൂന്ന് പുതിയ ബാക്ഗ്രൗണ്ട് രീതികള് അവതരിപ്പിച്ചിട്ടുണ്ട്.
ലൈറ്റ് (വെളുത്ത പശ്ചാത്തലത്തിൽ കറുത്ത വാചകം), കോൺട്രാസ്റ്റ് (കറുത്ത പശ്ചാത്തലത്തിൽ മഞ്ഞ ടെക്സ്റ്റ്), ഡ്രോപ്പ് ഷാഡോ (കറുത്ത പശ്ചാത്തലത്തിലുള്ള വെള്ള വാചകം) എന്നിങ്ങനെയാണ് ഇവ. വിവിധ ഭാഷകളില് പരന്ന് കിടക്കുന്ന നെറ്റ്ഫ്ലിക്സ് കണ്ടന്റുകള് കാണുവാന് സബ് ടൈറ്റിലുകള് അത്യവശ്യമാണ്. അതിനാല് തന്നെ പുതിയ മാറ്റങ്ങള് അത്യവശ്യമാണ് എന്നാണ് നെറ്റ്ഫ്ലിക്സ് പറയുന്നത്.
പ്രതികരിക്കാൻ ഇവിടെ എഴുതുക