തൃശൂര്: വിശ്വപ്രസിദ്ധമായ തൃശൂര് പൂരത്തെ വരവേറ്റ് പൂരനഗരി. ഇന്നലെ ഉച്ചയോടെ വടക്കുംനാഥ ക്ഷേത്രത്തിന്റെ തെക്കേ ഗോപുരനട തള്ളിത്തുറന്ന് നൈതലക്കാവ് ഭഗവതി എഴുന്നള്ളിയതോടെ പൂരാവേശത്തിലാണ് നഗരം.
രാവിലെ ഘടകപൂരങ്ങളില് ആദ്യത്തേതായ കണിമംഗലം ശാസ്താവിന്റെ പുറപ്പാട് ആരംഭിച്ചതോടെ 36 മണിക്കൂര് നീളുന്ന തൃശൂര് പൂരത്തിന് ആരംഭം കുറിച്ചു. ഒന്നൊന്നായി മറ്റു ചെറുപൂരങ്ങള് എത്തിത്തുടങ്ങും.
കാരമുക്ക് ഭഗവതി, ചൂരക്കോട്ടുകാവ് ഭഗവതി, നെയ്തലക്കാവ് ഭഗവതി, ലാലൂര് ഭഗവതി, പനയ്ക്കേമ്പിള്ളി ശാസ്താവ്, അയ്യന്തോള് കാര്ത്ത്യായനി ഭഗവതി, ചെമ്പൂക്കാവ് ഭഗവതി എന്നീ എട്ട് ക്ഷേത്രങ്ങളിലെ ദേവതമാര് വടക്കുംനാഥന് മുന്നിലെത്തും.
തിരുവമ്പാടിയുടെ പൂരപ്പുറപ്പാട് ഏഴരയ്ക്ക് ക്ഷേത്രത്തില് നിന്നാരംഭിക്കും. പതിനൊന്നരയോടെ നടുവില് മഠത്തില് മഠത്തില് വരവ് പഞ്ചവാദ്യം നടക്കും. 12.15 നാണ് പാറമേക്കാവിന്റെ എഴുന്നെള്ളത്ത്. രണ്ടോടെയാണ് തേക്കിന്കാട് മൈതാനത്തിലെ ഇലഞ്ഞിച്ചുവട്ടില് കിഴക്കൂട്ട് അനിയന് മാരാരുടെ നേതൃത്വത്തില് 250-ഓളം കലാകാരന്മാരുടെ ഇലഞ്ഞിത്തറ മേളം. അഞ്ചിനാണ് പാണ്ടിമേളം കൊട്ടിയുള്ള തെക്കോട്ടിറക്കം.
ശക്തന് തമ്പുരാന്റെ പ്രതിമ വലംവെച്ച് തെക്കേഗോപുരത്തിന് അഭിമുഖമായി പാറമേക്കാവ് ഭഗവതി നിലകൊള്ളും, തിരുവമ്പാടി ഭഗവതി ഗോപുരത്തിന് മുന്പിലെത്തും. വൈകിട്ട് അഞ്ചു മണിയോടെ തെക്കോട്ടിറക്കം ആരംഭിക്കും. തുടര്ന്ന് ഇരുവിഭാഗങ്ങളും മുഖാമുഖം നിന്ന് കുടമാറും. ഏഴിന് ഭഗവതിമാര് മടങ്ങും.
ഘടകപൂരങ്ങള് ഉച്ചയോടെ വടക്കുംനാഥനിലെത്തി മടങ്ങും. തിങ്കളാഴ്ച പുലര്ച്ചെ 3 മുതല് 5 വരെയാണ് വെടിക്കെട്ട് നടക്കുന്നത്. ഉച്ചയ്ക്ക് ഒന്നോടെ പകല്പ്പൂരം ശ്രീമൂലസ്ഥാനത്ത് വിട പറയല് ചടങ്ങ് അവസാനിക്കും.
പ്രതികരിക്കാൻ ഇവിടെ എഴുതുക