മുംബൈ: സല്മാന് ഖാനെതിരെ ദീര്ഘനാളുകളായി വധഭീഷണി നിലനില്ക്കുകയാണ്. വലിയ സുരക്ഷയാണ് താരത്തിന് മുംബൈ പൊലീസ് ഒരുക്കിയിരിക്കുന്നത്. എന്നാലിപ്പോള് സല്മാനെ തീര്ച്ചയായും കൊലപ്പെടുമെന്ന് വധഭീഷണിയുമായി രംഗത്തെത്തിയിരിക്കുകയാണ് കാനഡ ആസ്ഥാനമായി പ്രവര്ത്തിക്കുന്ന ഗോള്ഡി ബ്രാര് എന്ന ഗുണ്ടാനേവ്. ഒരു ദേശീയ മാധ്യമത്തിന് നല്കിയ അഭിമുഖത്തില് പരസ്യമായി സല്മാനെ വധിക്കുമെന്ന് ഭീഷണിപ്പെടുത്തിയത്.
“നമ്മള് അയാളെ കൊല്ലും. ഉറപ്പായും കൊലപ്പെടുത്തും. ഭായി സാബ് (ലോറന്സ് ബിഷ്ണോയ്) ഒരിക്കലും മാപ്പ് പറയില്ല എന്ന് പറഞ്ഞിട്ടുണ്ട്. ബാബ കരുണ കാണിക്കണമെങ്കില് അദ്ദഹത്തിന് കരുണ തോന്നണം”. ഗോള്ഡി ബ്രാര് പറഞ്ഞു. “സല്മാന് ഖാന് മാത്രമല്ല, നമ്മുടെ എല്ലാ ശത്രുക്കളെയും വകവരുത്താനുള്ള ശ്രമം തുടരുക തന്നെ ചെയ്യും. സല്മാനെ ഞങ്ങള് വകവരുത്തും. നിങ്ങളത് അറിയും” ബ്രാര് പറഞ്ഞു.
ലോറന്സ് ബിഷ്ണോയ് എന്ന ഗുണ്ടാസംഘ തലവന് നിലവില് ജയിലിലാണ്. തന്റെ ജീവിത ലക്ഷ്യം സല്മാനെ കൊല്ലുക എന്നതാണെന്ന് ഇയാള് നേരത്തെ പറഞ്ഞിരുന്നു.
പ്രതികരിക്കാൻ ഇവിടെ എഴുതുക