ഈന്തപ്പഴം 10-20 മിനിറ്റ് ചൂടുവെള്ളത്തില് ഇട്ട ശേഷം കഴിയ്ക്കുന്നതാണ് കൂടുതല് നല്ലത്. പൊതുവേ ഡ്രൈ ഫലമായ ഇത് വെള്ളത്തിലിട്ടു കഴിയ്ക്കുമ്ബോള് വയറുവേദന പോലുളള പ്രശ്നങ്ങള് അകറ്റി നിര്ത്താന് കഴിയും. ചിലര്ക്ക് ഈന്തപ്പഴം അങ്ങനെ കഴിച്ചാല് വയറു വേദനയുണ്ടാകും. ഇത് പൊതുവെ ഉണക്കിയ ഫലമായതു കൊണ്ടാകും, ഇതു സംഭവിയ്ക്കുന്നത്. ഇതിനുള്ള നല്ലൊരു പരിഹാരമാണ് വെള്ളത്തില് ഇട്ട ഈന്തപ്പഴം. ഇത് പല്ലിന്റെ ആരോഗ്യത്തിനും ഏറെ ഗുണം ചെയ്യുന്ന ഒന്നാണ്. അല്പം കുതിര്ന്നാല് ഇത് പെട്ടെന്നു തന്നെ കഴിയ്ക്കാനും നല്ലതാണ്.
മലബന്ധം
മലബന്ധം പോലുളള പ്രശ്നങ്ങള് നീക്കാന് ഏറ്റവും ഉത്തമമാണ് വെള്ളത്തിലിട്ടു വച്ച ഈന്തപ്പഴം. ഇതിലെ ഫൈബറുകള് കുതിര്ത്തുമ്ബോള് പെട്ടെന്നു തന്നെ വെള്ളം വലിച്ചെടുത്ത് അയയുന്നു. ഇതു വഴി ദഹനം എളുപ്പമാകും. നാരുകള് ശരീരത്തിനു പെട്ടെന്നു തന്നെ ആഗിരണം ചെയ്യാനും കുടലിനിതു പെട്ടെന്നു തന്നെ ദഹിപ്പിയ്ക്കാനും സാധിയ്ക്കും. വയറിന്റെ ആരോഗ്യത്തിന് ഉത്തമമാണ് വെള്ളത്തിലിട്ട ഈന്തപ്പഴും.
ശരീരത്തിന് ദഹിപ്പിയ്ക്കാനും
ഈന്തപ്പഴത്തില് നാരുകള്ക്കു പുറമേ വൈറ്റമിനുകള്, അയേണ്, മഗ്നീഷ്യം, കാല്സ്യം, സള്ഫര്, പൊട്ടാസ്യം, ഫോസ്ഫറസ്, കോപ്പര് തുടങ്ങിയ പല ഘടകങ്ങളും അടങ്ങിയിട്ടുണ്ട്. ഇതെല്ലാം പെട്ടെന്നു തന്നെ ശരീരത്തിന് ദഹിപ്പിയ്ക്കാനും ആഗിരണം ചെയ്യാനും ചൂടുവെള്ളത്തില് ഇട്ടു വച്ച് ഈന്തപ്പഴം കഴിയ്ക്കുമ്ബോള് സാധിയ്ക്കും. ഈന്തപ്പഴം ബാലന്സ്ഡ് ഡയറ്റിന്റെ ഭാഗമാണെന്ന് ഡയറ്റീഷ്യന്മാര് അഭിപ്രായപ്പെടുന്നു.
പിത്ത ദോഷം
ആയുര്വേദത്തില് വാത, പിത്ത, കഫ ദോഷങ്ങളാണ് ശരീരത്തിന് അസുഖം വരുത്തുന്നത്. ശരീരത്തിന്റെ പിത്ത ദോഷം അകറ്റാന് ഈന്തപ്പഴം വെള്ളത്തിലിട്ടു കുതിര്ത്തി കഴിയ്ക്കുന്നതാണ് കൂടുതല് ഗുണകരമെന്ന് ആയുര്വേദം പറയുന്നു. ഇതു വഴി ശരീരത്തില് ഉല്പാദിപ്പിയ്ക്കാന് സാധ്യതയുള്ള ചൂടു കുറയും. ഇത് വയറിന്റെയും ശരീരത്തിന്റെയും ആരോഗ്യത്തിന് ഉത്തമമാണ്.
ഹൃദയ സംബന്ധമായ പ്രശ്നങ്ങള്ക്കുള്ള നല്ലൊരു പരിഹാരം
രാത്രി മുഴുവന് വെള്ളത്തിലിട്ടു കുതിര്ത്തി രാവിലെ വെറുംവയറ്റില് ഈന്തപ്പഴം കഴിയ്ക്കുന്നത് ഹൃദയത്തിന് നല്ലതാണ്. സ്ട്രോക്ക് പോലുള്ള അവസ്ഥകള് ഒഴിവാക്കാന് ഇത് ഏറെ സഹായകമാണ്. ഹൃദയ സംബന്ധമായ പ്രശ്നങ്ങള്ക്കുള്ള നല്ലൊരു പരിഹാരം കൂടിയാണിത്.
ഈന്തപ്പഴം വെള്ളത്തിലിട്ടു കുതിര്ക്കുമ്ബോള്
ഈന്തപ്പഴം വെള്ളത്തിലിട്ടു കുതിര്ക്കുമ്ബോള് ഇതില് അടങ്ങിയിരിയ്ക്കുന്ന ആല്ക്കഹോളിന്റെ ചെറിയ അംശവും ടോക്സിനുകളുമെല്ലാം പുറന്തള്ളപ്പെടും. ഇവയിലെ മാലിന്യമുണ്ടെങ്കില് നീക്കാനുള്ള എളുപ്പ വഴി കൂടിയാണ് വെള്ളത്തിലിട്ടു കുതിര്ത്തി ഈന്തപ്പഴം കഴിയ്ക്കുന്നത്. മദ്യപാനം മൂലമുള്ള ഹാങോവര് മാറാന് ഈന്തപ്പഴം നല്ലൊരു വഴിയാണ്. ഇത് 10-15 മിനിറ്റു വെള്ളത്തിലിട്ടു വച്ച് ഈ വെള്ളം കുടിയ്ക്കാം. മദ്യപാനം മൂലമുള്ള ഛര്ദി, തലവേദന എന്നിവയ്ക്കുള്ള നല്ലൊരു മരുന്നു കൂടിയാണിത്.
ബ്രെയിന്
ഇതിലെ പൊട്ടാസ്യം നാഡീവ്യൂഹത്തിന് ഏറെ ആരോഗ്യകരമാണ്. ഇത് ന്യൂറോസംബന്ധമായ രോഗങ്ങള് നീക്കും. ന്യുറോ സഹായകമായതു കൊണ്ടു തന്നെ ബ്രെയിന് ആരോഗ്യത്തിനും കുതിര്ത്ത ഈന്തപ്പഴം ഏറെ മികച്ചതാണ്. ഓര്മ ശക്തി വര്ദ്ധിപ്പിയ്ക്കും. കുട്ടികള്ക്കും മുതിര്ന്നവര്ക്കും ഇത് ഒരുപോലെ ആരോഗ്യകരമാണ്.
അലര്ജി
അലര്ജി സംബന്ധമായ പ്രശ്നങ്ങള്ക്കുള്ള നല്ലൊരു പരിഹാരം കൂടിയാണ് ഈന്തപ്പഴം. സീസണല് അലര്ജി, ആസ്തമ പ്രശ്നങ്ങള് പരിഹരിയ്ക്കാം. പ്രത്യേകിച്ചും അലര്ജിയുള്ള കുട്ടികള്ക്ക് ഇത് ഏറെ ഗുണം നല്കും.
രോഗപ്രതിരോധ ശേഷി
ശരീരത്തിന്റെ രോഗപ്രതിരോധ ശേഷി വര്ദ്ധിപ്പിയ്ക്കുന്ന ഒന്നാണ് വെള്ളത്തില് കുതിര്ത്ത ഈന്തപ്പഴം. ഇതില് അടങ്ങിയിരിയ്ക്കുന്ന പോഷകങ്ങള്, അതായത് പല വിധ ധാതുക്കളും വൈറ്റമിനുകളും മറ്റുമാണ് ഗുണം നല്കുന്നത്.
മസില്
മസില് വളര്ത്താന് ശ്രമിയ്ക്കുന്നവര്ക്കു പരീക്ഷിയ്ക്കാവുന്ന നല്ലൊരു ഭക്ഷണമാണ് കുതിര്ത്ത ഈന്തപ്പഴം. അധികം തടി കൂടാതെ തന്നെ ശരീരഭാരം കൂട്ടും. മാത്രമല്ല, മസിലുകള്ക്ക് ദൃഢത നല്കുകയും ചെയ്യും. ഇതിലെ ഗ്ലൂക്കോസ്, ഫ്രക്ടോസ്, സുക്രോസ് എന്നിവ ഊര്ജമായി മാറി ക്ഷീണം കുറയ്ക്കും. വ്യായാമ ക്ഷീണം മാറ്റാനും ഇതു കൊണ്ടു തന്നെ ഏറെ ഉത്തമമാണ് ഇത്.
കൊളസ്ട്രോള്
ഈന്തപ്പഴം രാത്രി വെള്ളത്തില് ഇട്ടുവച്ച് രാവിലെ ഇത് ഈ വെള്ളത്തില് ചതച്ചിട്ടു കുടിയ്ക്കാം. എല്ഡിഎല് കൊളസ്ട്രോള് കുറയക്കുന്നതിനും എച്ച്ഡിഎല് കൊളസ്ട്രോള്വര്ദ്ധിപ്പിയ്ക്കുന്നതിനും ഇതു നല്ലതാണ്. കൊളസ്ട്രോള് പ്രശ്നങ്ങളെങ്കില് ഇത്തരം വഴികള് പരീക്ഷിയ്ക്കാം.
പ്രതികരിക്കാൻ ഇവിടെ എഴുതുക