ഐവിഎഫ് കേന്ദ്രത്തില് ഡോക്ടറുടെ നേതൃത്വത്തില് തന്നെ കൂട്ടബലാത്സംഗം ചെയ്തെന്ന് യുവതി. ഡോക്ടറും മറ്റ് രണ്ടു പേരും ചേര്ന്ന് കൂട്ടബലാത്സംഗം ചെയ്തെന്നാണ് 30കാരിയായ സ്ത്രീ പരാതി നല്കിയതെന്ന് ടൈംസ് ഓഫ് ഇന്ത്യ റിപ്പോര്ട്ട് ചെയ്തു. രാജസ്ഥാനിലെ ജയ്പൂരിലെ കൃത്രിമ ഗര്ഭധാരണ കേന്ദ്രത്തിലാണ് സംഭവം.
അണ്ഡം ദാനം ചെയ്യാനാണ് താന് ഐവിഎഫ് കേന്ദ്രത്തില് എത്തിയതെന്ന് യുവതി പറയുന്നു. ഭര്ത്താവും കുഞ്ഞും കൂടെയുണ്ടായിരുന്നു. അണ്ഡം ദാനം ചെയ്താല് പണം നല്കാമെന്ന് ഡോക്ടര് വാഗ്ദാനം ചെയ്തു. ഡോക്ടര് തന്നെ ഓപ്പറേഷന് റൂമിലേക്ക് കൊണ്ടുപോയെന്നും അവിടെ വെച്ച് മറ്റു രണ്ടു പേര്ക്കൊപ്പം കൂട്ടബലാത്സംഗം ചെയ്തെന്നുമാണ് യുവതിയുടെ പരാതിയില് പറയുന്നത്.
യുവതിയുടെ പരാതി ലഭിച്ചതോടെ ഇന്ത്യന് ശിക്ഷാ നിയമത്തിലെ സെക്ഷന് 376 (ഡി) പ്രകാരം കൂട്ടബലാത്സംഗ കുറ്റം ചുമത്തി പൊലീസ് കേസെടുത്തു. അജ്മീറിലെ ജവഹര് നഗര് സ്റ്റേഷനിലാണ് യുവതി പരാതി നല്കിയതെന്ന് ഡി.സി.പി ഗ്യാന് ചന്ദ്ര യാദവ് പറഞ്ഞു.
പ്രതികരിക്കാൻ ഇവിടെ എഴുതുക