നടൻ ആർ മാധവനെ പൂനെ ഫിലിം ഇൻസ്റ്റിറ്റ്യൂട്ട് പ്രസിഡന്റും ഗവേണിങ് കൗൺസിൽ ചെയർമാനുമായി നിയമിച്ചു. ഇൻഫർമേഷൻ ആൻഡ് ബ്രോഡ്കാസ്റ്റിങ് മന്ത്രാലയമാണ് ഇക്കാര്യം അറിയിച്ചത്.
സ്ഥാനലബ്ധിയില് മാധവനെ അഭിനന്ദിച്ചുകൊണ്ട് കേന്ദ്രമന്ത്രി അനുരാഗ് താക്കൂര് എക്സില് ഇങ്ങനെ പോസ്റ്റ് ചെയ്തു
“പൂനെ ഫിലിം ഇന്സ്റ്റിറ്റ്യൂട്ട് പ്രസിഡന്റും ഗവേണിംഗ് കൗണ്സില് ചെയര്മാനുമായി തെരഞ്ഞെടുക്കപ്പെട്ട മാധവന് ഹൃദയപൂര്വ്വമുള്ള ആശംസകള്. നിങ്ങളുടെ വിശാലമായ അനുഭവപരിചയവും മൂല്യബോധവും ഈ സ്ഥാപനത്തെ സമ്പന്നമാക്കുമെന്നും പോസിറ്റീവ് ആ മാറ്റങ്ങള് സൃഷ്ടിക്കുമെന്നും മറ്റൊരു തലത്തിലേക്ക് ഉയര്ത്തുമെന്നും എനിക്ക് ഉറപ്പുണ്ട്”, അനുരാഗ് താക്കൂര് കുറിച്ചു. പ്രതീക്ഷയ്ക്കൊത്ത് ഉയരാന് തന്നാലാവുന്നതെല്ലാം ചെയ്യുമെന്ന് മാധവന് ഇതിന് പ്രതികരിച്ചിട്ടുമുണ്ട്.
മാധവൻ സംവിധാനം ചെയ്ത്, നായകനായി അഭിനയിച്ച റോക്കട്രി: ദി നമ്പി എഫക്റ്റ് എന്ന സിനിമയ്ക്ക് നേരത്തെ ദേശീയ ചലച്ചിത്ര പുരസ്കാരം ലഭിച്ചിരുന്നു. മികച്ച ചിത്രത്തിനുള്ള പുരസ്കാരമാണ് ചിത്രത്തിന് ലഭിച്ചത്. ഐ.എസ്.ആര്.ഒ ശാസ്ത്രഞ്ജനായിരുന്ന നമ്പി നാരായണന്റെ ജീവിതം ആസ്പദമാക്കി ഒരുക്കിയ ചിത്രത്തിന്റെ രചനയും മാധവന് ആയിരുന്നു.
പ്രതികരിക്കാൻ ഇവിടെ എഴുതുക