സനാതന ധര്മ പരാമര്ശത്തില് തമിഴ്നാട് മന്ത്രിയും ഡി.എം.കെ. നേതാവുമായ ഉദയനിധി സ്റ്റാലിനെ പിന്തുണച്ചു സി.പി.എം. സംസ്ഥാന കമ്മിറ്റിയംഗം പി. ജയരാജന് രംഗത്ത്. ഇന്ത്യയുടെ ചരിത്രത്തില് സനാതനികള് സാമൂഹ്യ പുരോഗതിയ്ക്ക് വിലങ്ങു തടിയായാണ് പ്രവര്ത്തിച്ചതെന്ന് പി. ജയരാജന് പ്രതികരിച്ചു.
ഭൂരിഭാഗം ജനങ്ങളെയും ജാതി വിലക്കുകളിലൂടെ അകറ്റി നിര്ത്തിയ സവര്ണാധിപത്യ സംസ്കാരത്തെയാണ് ആര്.എസ്.എസും പ്രതിനിധാനം ചെയ്യുന്നതെന്നും അതിനാല് ബി.ജെ.പി. നേതാക്കളുടെ പ്രതിഷേധത്തില് അത്ഭുതമില്ലെന്നും പി.ജയരാജന് കൂട്ടിച്ചേർത്തു.
യഥാര്ഥ ധാര്മ്മിക മൂല്യങ്ങളില് നിന്ന് വ്യതിചലിച്ച് മനുഷ്യരില് ഭൂരിപക്ഷം പേരെയും ആട്ടിയകറ്റുന്ന ആശയത്തെ എതിര്ത്ത് പറഞ്ഞതില് എന്താണ് തെറ്റെന്നും പി. ജയരാജൻ വ്യക്തമാക്കി.
പ്രതികരിക്കാൻ ഇവിടെ എഴുതുക