കോഴിക്കോട്: മുന് വര്ഷങ്ങളില് കേരളത്തില് റിപ്പോര്ട്ട് ചെയ്ത നിപ കേസുകളെ അപേക്ഷിച്ച് ഇത്തവണ രോഗലക്ഷണങ്ങളില് മാറ്റമുണ്ടെന്നാണ് കോഴിക്കോട് ആസ്റ്റര് മിംസിലെ ക്രിട്ടിക്കല് കെയര് വിഭാഗം ഡയറക്ടര് ഡോ. എ എസ് അനൂപ് കുമാര്.
നേരത്തെ തലച്ചോറിനെ ബാധിക്കുന്ന ലക്ഷണങ്ങള് ആയിരുന്നു രോഗികളില് കണ്ടിരുന്നതെന്നും ഇപ്പോള് ശ്വാസ കേശത്തെ ബാധിക്കുന്ന ലക്ഷണങ്ങളാണ് കാണിക്കുന്നതെന്നും അദ്ദേഹം പറഞ്ഞു.
നിപ വന്ന ഭാഗത്തെല്ലാം സ്വയം നിയന്ത്രണ വിധേയമാകുന്നതാണ് കാണാന് കഴിഞ്ഞിരുന്നത്. വൈറസ് ഒരാളില് നിന്ന് അടുത്തയാളിലേക്ക് പടരുമ്പോള് വൈറസിന്റെ ശക്തി കുറയുന്നതായിട്ടാണ് കണ്ടു വരുന്നത്.
അതുകൊണ്ട് തന്നെ വലുതായി വ്യാപനം ഉണ്ടായിട്ടില്ല. കൂടുതല് ആശങ്ക പെടേണ്ട സാഹചര്യം നിലനില്കുന്നില്ലെന്നും ആഴ്ചകള്കൊണ്ട് തന്നെ രോഗത്തെ നിയന്ത്രണ വിധേയമാക്കാന് കഴിയുമെന്നും ഡോ. എ എസ് അനൂപ് കുമാര് പറഞ്ഞു.
പ്രതികരിക്കാൻ ഇവിടെ എഴുതുക