വടകര: പത്ത് വയസുകാരിയെ വീട്ടിലേക്ക് വിളിച്ചുവരുത്തി പീഡനത്തിന് ഇരയാക്കിയ മധ്യവയസ്കന് അറസ്റ്റില്. കക്കട്ടിയില് സജീര് മന്സില് അബ്ദുള്റസാഖിനെയാണ് (61) വടകര പൊലീസ് അറസ്റ്റ് ചെയ്തത്. ഇയാളുടെ ഭാര്യയും മകളും പുറത്തുപോയ സമയത്താണ് അതിക്രമം നടന്നത്. കളിച്ചുകൊണ്ടിരിക്കുന്ന പെണ്കുട്ടിയെ വീട്ടിലേക്ക് വിളിച്ചുവരുത്തി പീഡിപ്പിക്കുകയായിരുന്നുവെന്നാണ് പരാതി.
പീഡനത്തെ തുടര്ന്ന് കരഞ്ഞ പെണ്കുട്ടിക്ക് പത്ത് രൂപ കൊടുത്ത് മിഠായി വാങ്ങിക്കോളാനും ആരോടും പറയരുതെന്നു ഭീഷണിപ്പെടുത്തുകയും ചെയ്തു. കുട്ടി വീട്ടുകാരോട് വിവരം പറഞ്ഞതിനു പിന്നാലെ നാട്ടുകാര് പൊലീസില് അറിയിക്കുകയായിരുന്നു. സ്ഥലത്തെത്തിയ വടകര പോലീസ് പ്രതിയെ കസ്റ്റഡിയിലെടുത്തു. പെണ്കുട്ടിയുടെ മൊഴി രേഖപ്പെടുത്തി. ഇയാള്ക്കെതിരെ പോക്സോ കേസ് രജിസ്റ്റര് ചെയ്തു.
പ്രതികരിക്കാൻ ഇവിടെ എഴുതുക