ദുബൈ: ഗാസയിലെ ആശുപത്രിക്ക് നേരെയുണ്ടായ ഇസ്രയേലിന്റെ ബോംബാക്രമണത്തില് അപലപിച്ച് ഗള്ഫ് രാജ്യങ്ങള്. ക്രൂരമായ കൂട്ടക്കൊല, അന്താരാഷ്ട്ര നിയമങ്ങളുടെ ലംഘനമാണ് ഉണ്ടായതെന്ന് ഖത്തര് വിദേശകാര്യ മന്ത്രാലയം പ്രതികരിച്ചു. ആക്രമണത്തെ സൗദി അറേബ്യയും അപലപിച്ചു. കൂട്ടക്കൊല എന്നും യുദ്ധക്കുറ്റമാണെന്ന് ജോര്ദാന്.
അതേസമയം ഗാസയിലെ ആശുപത്രി ആക്രമണത്തിന്റെ പശ്ചാത്തലത്തില് സൈനിക നടപടി നിര്ത്തിവയ്ക്കണമെന്ന് ജിസിസി രാജ്യങ്ങള് ആവശ്യപ്പെട്ടു. 100 മില്യണ് അടിയന്തര സഹായം നല്കുമെന്നും ജിസിസി രാജ്യങ്ങള് അറിയിച്ചു. പ്രതിസന്ധി കൂടുതല് രൂക്ഷമായ സാഹചര്യത്തില് അമേരിക്കന് പ്രസിഡന്റ് ബൈഡനുമായ കൂടിക്കാഴ്ച്ച നീട്ടിവെക്കാന് ജോര്ദന് തീരുമാനിച്ചു. ബൈഡന്, കിങ് അബ്ദുള്ള, ഈജിപ്ത് പ്രസിഡന്റ് സിസി, മഹ്മൂദ് അബ്ബാസ് എന്നിവരുമായുള്ള കൂടിക്കാഴ്ചയാണ് ജോര്ദന് റദ്ദാക്കിയത്.
എന്നാല് ഗാസയിലെ ആശുപത്രി ആക്രമിച്ചിട്ടില്ലെന്ന് കാണിച്ച് ഇസ്രായേല് പ്രധാനമന്ത്രി ബെഞ്ചമിന് നെതന്യാഹു നിഷേധ കുറിപ്പിറക്കി. ലോകം മുഴുവന് അറിയണം, ഗാസയിലെ ഭീകരരാണ് ആശുപത്രി തകര്ത്തത്. ഞങ്ങളുടെ കുട്ടികളെ ക്രൂരമായി കൊലപ്പെടുത്തിയവര് അവരുടെ മക്കളെയും കൊല്ലുകയാണെന്നായിരുന്നു കുറിപ്പില് വിശദീകരിച്ചത്.
പ്രതികരിക്കാൻ ഇവിടെ എഴുതുക