ടെല് അവീവ്: ഈജിപ്തില് നിന്ന് റാഫ അതിര്ത്തി വഴി ഗാസയിലേക്ക് സഹായവുമായി ട്രക്കുകള് പ്രവേശിച്ചതിന് പിന്നാലെ മുന്നറിയിപ്പുമായി ഇസ്രയേല്. ഗാസയില് ബോംബാക്രമണം ശക്തമാക്കുമെന്ന മുന്നറിയിപ്പാണ് നല്കിയിരിക്കുന്നത്. ഇനിയും ഗാസയില് തുടരുന്നവരെ ഹമാസായി കണക്കാക്കി നേരിടുമെന്നാണ് പറഞ്ഞതിരിക്കുന്നത്.
അതേസമയം ഗാസാ മുനമ്പില് കടന്നാല് ഇസ്രയേല് സൈന്യം കനത്ത വില നല്കേണ്ടി വരുമെന്ന് ലബനോന് ആസ്ഥാനമായ ഹിസ്ബുല്ല തിരിച്ചടിച്ചു. യുദ്ധത്തിന്റെ നടുവിലേക്ക് ഹിസ്ബുള്ള സൈനികര് ഇറങ്ങിക്കഴിഞ്ഞെന്ന് ഉന്നത നേതാവിനെ ഉദ്ധരിച്ച് വാര്ത്താ ഏജന്സി റിപ്പോര്ട്ട് ചെയ്തു.
പതിനാല് ദിവസത്തിന് ശേഷം ഗാസയിലേക്ക് സഹായമെത്തിയ പശ്ചാത്തലത്തില് യുദ്ധത്തിന് നേരിയ അയവ് വന്നേക്കുമെന്ന പ്രതീക്ഷ നാനാകോണുകളില് നിന്ന് ഉയര്ന്നു വന്നിരുന്നു. ഇതിനിടെയാണ് വിട്ടുവീഴ്ചയില്ലെന്ന് ഇസ്രയേല് വ്യക്തമാകിയത്. അതിനിടെ അമേരിക്കന് പ്രസിഡന്റ് ജോ ബൈഡന്, ഹമാസ് മോചിപ്പിച്ച വനിതകളോട് വീഡിയോ കോളിലൂടെ സംസാരിച്ചു.
പ്രതികരിക്കാൻ ഇവിടെ എഴുതുക