ഗാസ: ഗാസയില് ഇസ്രയേലിന്റെ കനത്ത വ്യോമാക്രമണം. അല് ഷിഫ ആശുപത്രി പരിസരത്തുണ്ടായ ആക്രമണത്തില് നൂറുകണക്കിന് ആളുകള് കൊല്ലപ്പെട്ടതായാണ് റിപ്പോര്ട്ടുകള്. ഗാസ നഗരത്തില് ഉടനീളം ഉഗ്രസ്ഫോടനങ്ങളാണ് ഉണ്ടായത്. കനത്ത വ്യോമാക്രമണത്തില് ഗാസയിലെ വാര്ത്താവിതരണ സംവിധാനങ്ങള് തകരുകയും ഇന്റര്നെറ്റ് സംവിധാനം താറുമാറാവുകയും ചെയ്തുവെന്നാണ് പുറത്തു വരുന്ന റിപ്പോര്ട്ടുകള്.
ഹമാസിന്റെ ഭൂഗര്ഭ കേന്ദ്രങ്ങളെ ലക്ഷ്യമാക്കിയാണ് ആക്രമണമെന്ന് ഇസ്രയേല് വ്യക്തമാക്കി. കരയുദ്ധം വ്യാപിപ്പിക്കുമെന്നും ഇസ്രയേല് സൈന്യം അറിയിച്ചു. വാര്ത്താവിനിമയ സംവിധാനങ്ങള് പൂര്ണമായും വിച്ഛേദിക്കപ്പെട്ടിരിക്കുന്നത് പ്രതിസന്ധി സൃഷ്ടിച്ചിരിക്കുകയാണ്. ആശുപത്രികളില് ഉള്പ്പെടെ മൊബൈല്, ഇന്റര്നെറ്റ് ബന്ധം പൂര്ണമായും വിച്ഛേദിക്കപ്പെട്ടത് ചികിത്സ നല്കുന്നതിന് ഉള്പ്പെടെ തടസമുണ്ടാക്കുകയാണ്. കര വഴിയുള്ള സൈനിക നീക്കം ഇന്ന് രാത്രി മുതല് ശക്തമാക്കാനാണ് ഇസ്രയേല് ഒരുങ്ങുന്നത്.
പ്രതികരിക്കാൻ ഇവിടെ എഴുതുക