ഡല്ഹി: കേന്ദ്ര സര്ക്കാരിനും പ്രധാനമന്ത്രിക്കുമെതിരെ ആഞ്ഞടിച്ച് രാഹുല് ഗാന്ധി. പ്രധാനമന്ത്രി നരേന്ദ്ര മോദി അദാനിയുടെ ജീവനക്കാരനാണെന്ന് രാഹുല് ഗാന്ധി. കേന്ദ്ര സര്ക്കാര് പ്രതിപക്ഷ നേതാക്കളുടെ ഫോണുകളും ഇ-മെയിലുകളും ചോര്ത്തുന്നുവെന്ന് പരാതി ഉയര്ന്ന സാഹചര്യത്തില് ഡല്ഹിയില് മാധ്യമങ്ങളോട് സംസാരിക്കവെയാണ് അദ്ദേഹം വിമര്ശനം ഉന്നയിച്ചത്.
തന്റെ ഓഫീസിലുള്ളവര്ക്കും കെ.സി വേണുഗോപാലിനും പ്രതിപക്ഷ നേതാക്കള്ക്കും ഫോണ് ചോര്ത്തല് സംബന്ധിച്ച് സന്ദേശം കിട്ടിയെന്ന് രാഹുല്ഗാന്ധി പറഞ്ഞു. ഐഫോണുകളിലാണ് സന്ദേശം കിട്ടിയത്. അദാനിക്ക് വേണ്ടിയാണ് കേന്ദ്രസര്ക്കാര് ഇത് ചെയ്യുന്നതെന്നും അദ്ദേഹം ആരോപിച്ചു. ഇന്ത്യന് രാഷ്ട്രീയത്തില് അദാനിയാണ് ഒന്നാംസ്ഥാനത്തെന്നും മോദിയും അമിത് ഷായും രണ്ടും മൂന്നും സ്ഥാനങ്ങളിലാണെന്നും അദ്ദേഹം കുറ്റപ്പെടുത്തി.
ഭയപ്പെട്ട് പിന്നോട്ടില്ല. എത്ര വേണമെങ്കിലും ചോര്ത്തിക്കോളൂ ഭയമില്ലെന്നും രാഹുല് പറഞ്ഞു. മോദിയുടെ ആത്മാവ് അദാനിക്കൊപ്പമാണ്. അദാനിയുടെ ജീവനക്കാരനാണ് മോദി. പെഗാസെസ് അന്വേഷണം എവിടെയും എത്താതെ പോയി. ഭയപ്പെടുത്താനുള്ള നീക്കം മാത്രമാണിത്. ക്രിമിനലുകള് മാത്രമേ ഈ പണി ചെയ്യുകയുള്ളൂ. ഇന്ത്യ എന്ന ആശയത്തിനായുള്ള പോരാട്ടമാണ് നടത്തുന്നത്. അതില് ഒരു പടി മാത്രമാണ് തെരഞ്ഞെടുപ്പ്. ജയമോ, പരാജയമോ എന്നതല്ല പോരാട്ടുകയെന്നതാണ് പ്രധാനമെന്നും അദ്ദേഹം പറഞ്ഞു.
അദാനിക്കെതിരെ ആരെങ്കിലും സംസാരിച്ചാല് അവര്ക്കെതിരെ നടപടി സ്വീകരിക്കുകയാണെന്നും അദ്ദേഹം പറഞ്ഞു. ഹായ് അദാനിയെന്നും വാര്ത്താ സമ്മേളനത്തിനിടെ ക്യാമറകളെ നോക്കി രാഹുല് ഗാന്ധി പറഞ്ഞു.
പ്രതികരിക്കാൻ ഇവിടെ എഴുതുക