ഗാസ: ഇസ്രായേല്-ഹമാസ് യുദ്ധം രൂക്ഷമായി തുടരുന്നതിനിടെ ഇസ്രയേലുമായുള്ള നയതന്ത്ര ബന്ധം വിച്ഛേദിക്കുന്നതായി തെക്കേ അമേരിക്കന് രാജ്യമായ ബൊളീവിയ. ഗാസ മുനമ്പില് ഇസ്രായേല് നടത്തുന്ന ആക്രമണങ്ങളെ മനുഷ്യരാശിക്കെതിരായ കുറ്റകൃത്യമാണെന്ന് വിശേഷിപ്പിച്ചു കൊണ്ടാണ് പ്രഖ്യാപനം നടത്തിയത്.
2009-ല് ഗാസ മുനമ്പിലെ ആക്രമണത്തില് പ്രതിഷേധിച്ച് ബൊളീവിയ ഇസ്രായേലുമായുള്ള നയതന്ത്ര ബന്ധം വിച്ഛേദിച്ചിരുന്നു. എന്നാല് 2020-ല് പ്രസിഡന്റ് ജീനിന് അനസിന്റെ സര്ക്കാര് ബന്ധം പുനസ്ഥാപിക്കുകയായിരുന്നു.
ഇതിനിടെ ഗാസയില് ഇസ്രയേലിന്റെ തുടര്ച്ചയായ ആക്രമണത്തില് 8000-ത്തിലധികം പേര് കൊല്ലപ്പെട്ടു.14 ലക്ഷത്തിലധികം ആളുകളെ മാറ്റിപ്പാര്പ്പിച്ചു. അതേസമയം ഹമാസിനെ ഇല്ലാതാക്കുന്നത് വരെ വെടിനിര്ത്തല് ഉണ്ടാകില്ലെന്ന് ഇസ്രായേല് പ്രധാനമന്ത്രി ബെഞ്ചമിന് നെതന്യാഹു വ്യക്തമാക്കിയിട്ടുണ്ട്.
പ്രതികരിക്കാൻ ഇവിടെ എഴുതുക