യുദ്ധം രൂക്ഷമാകുമ്പോൾ ഗാസയിലെ ആശുപത്രികളെ ലക്ഷ്യമിട്ട് ആക്രമണം ശക്തമാക്കി ഇസ്രയേല്. ഈ ആശുപത്രികള് ഹമാസ് ഭീകരരുടെ താവളമാണെന്നാണ് ഇസ്രായേല് അവകാശപ്പെടുന്നത്. അതേസമയം ഹമാസ് ഭീകരര് ആശുപത്രികളെ സുരക്ഷിത താവളമാക്കുകയും രോഗികളെ കവചങ്ങളായി ഉപയോഗിക്കുകയും ചെയ്യുന്നുവെന്നും ഇസ്രായേല് വ്യക്തമാക്കുന്നു.
എന്നാൽ ഗാസയുടെ മധ്യഭാഗത്തുള്ള മൂന്ന് ആശുപത്രികളെ ഒന്നൊന്നായി ലക്ഷ്യമാക്കി ഇസ്രായേല് ടാങ്കുകള് നീങ്ങുകയാണ് എന്നാണ് ലഭിക്കുന്ന വിവരം. ഇതിനിടെ ഹമാസിന്റെ നാസര് റദ്വാന് കമ്പനിയുടെ കമാന്ഡര് അഹമ്മദ് സിയാം കൊല്ലപ്പെട്ടതായി ഐ.ഡി.എഫ് പ്രഖ്യാപിച്ചു.
ഗാസയിലെ റാന്തിസി ആശുപത്രിയില് ആയിരത്തോളം ഗാസ നിവാസികളെ സിയാം ബന്ദികളാക്കിയിരുന്നുവെന്നാണ് ഒടുവിൽ പുറത്തു വരുന്ന വിവരം.
പ്രതികരിക്കാൻ ഇവിടെ എഴുതുക