പാദങ്ങള് വിണ്ടു കീറുന്നത് പലരെയും അലട്ടുന്ന പ്രശ്നങ്ങളില് ഒന്നാണ്. കാലുകളിലെ എണ്ണയുടെ അംശം കുറയുമ്പോള്, ചര്മ്മം വരണ്ട് തൊലിയില് വീണ്ടുകീറലുകള് ഉണ്ടാകുന്നു. ശരിയായ രീതിയിൽ സൂക്ഷിച്ചാൽ ഈ പ്രശ്നം അകറ്റാൻ സാധിക്കും.
പാദങ്ങള് വിണ്ടു കീറുന്നത് തടയാന് വീട്ടില് ചെയ്യേണ്ട കാര്യങ്ങള് എന്തൊക്കെയാണെന്ന് നോക്കാം
പാദങ്ങള് വിണ്ടുകീറുന്നത് തടയാന് ഏറ്റവും മികച്ചതാണ് കഞ്ഞിവെള്ളം. ഇതിനായി കുറച്ച് കഞ്ഞിവെള്ളത്തിലേയ്ക്ക് തേനും അല്പം വിനാഗരിയും ചേര്ത്ത് ലായനി തയ്യാറാക്കാം. ശേഷം ഇതിലേയ്ക്ക് കാലുകള് മുക്കി വയ്ക്കാം.
വാഴപ്പഴം പള്പ്പ് രൂപത്തിലാക്കി കാലിലെ വണ്ടുകീറിയ ഭാഗങ്ങള് പുരട്ടി മസാജ് ചെയ്യാം. പതിവായി ഇത് ചെയ്യുന്നത് പാദങ്ങള് വിണ്ടു കീറുന്നത് തടയാൻ സഹായിക്കും.
പാദങ്ങള് വിണ്ടുകീറുന്നത് തടയാന് ഏറ്റവും മികച്ചതാണ് ഉപ്പ്. ഇതിനായി ഇളംചൂടുള്ള വെള്ളത്തിലേയ്ക്ക് കുറച്ച് ഉപ്പ് ഇട്ടതിന് ശേഷം പാദങ്ങള് അതില് മുക്കി വയ്ക്കാം. 20 മിനിറ്റ് വരെ ഇങ്ങനെ വയ്ക്കുന്നത് പാദസംരക്ഷണത്തിന് നല്ലതാണ്.
ഇളം ചൂടുവെള്ളത്തിൽ ഉപ്പും നാരങ്ങാനീരും കലർത്തി അതിൽ പാദങ്ങൾ മുക്കിവയ്ക്കുക. ശേഷം പാദങ്ങളിൽ നാരങ്ങാത്തൊണ്ട് കൊണ്ടുരസുക.
ഗ്ലിസറിനും റോസ് വാട്ടറും അല്പം നാരങ്ങ നീരും ചേര്ത്ത് മിക്സ് ചെയ്യുക. ശേഷം ഈ മിശിതം കാലില് പുരട്ടി മസാജ് ചെയ്യാം. പതിവായി ചെയ്യുന്നത് പാദങ്ങള്ക്ക് നല്ലതാണ്.
ഇളം ചൂടുവെള്ളത്തില് ബേക്കിങ് സോഡ, ഉപ്പ് എന്നിവ ഇട്ട് പാദങ്ങള് പതിനഞ്ച് മിനിറ്റ് മുക്കിവയ്ക്കുക. ആഴ്ചയില് മൂന്ന് തവണ വരെയൊക്കെ ഇങ്ങനെ ചെയ്യുന്നത് ഫലം നല്കും.
പ്രതികരിക്കാൻ ഇവിടെ എഴുതുക