പലവിഭവങ്ങൾക്കും രുചി കൂട്ടുന്നതിനായി നാം ഉപയോഗിക്കുന്ന ഒന്നാണ് കുരുമുളക്. എന്നാല് ഭക്ഷണത്തെ രുചികരമാക്കുന്നതിനപ്പുറം ഗുണങ്ങൾ കുരുമുളകിനുണ്ട്. പ്രത്യേകിച്ച് ശൈത്യകാലത്ത് കുരുമുളക് ഭക്ഷണത്തിൽ ഉൾപ്പെടുത്തുന്നത് ശരീരത്തിന്റെ ആരോഗ്യത്തിന് വളരെയധികം ഗുണം ചെയ്യും.
കുരുമുളകിൽ വിറ്റാമിന് സി ധാരാളമായി അടങ്ങിയിട്ടുണ്ട്. ഇത് ശൈത്യകാലത്തുണ്ടാകുന്ന ചുമയും ജലദോഷവും ശമിപ്പിക്കാനും ആസ്ത്മയുടെ ലക്ഷണങ്ങളെ ലഘൂകരിക്കാനും സഹായിക്കും.
കുരുമുളക് കഴിക്കുന്നത് രോഗപ്രതിരോധശേഷി വര്ധിപ്പിക്കാൻ സഹായിക്കും. കുരുമുളകിൽ ആന്റി ബാക്ടീരിയൽ, ആന്റി-ഇൻഫ്ലമേറ്ററി ഗുണങ്ങളുണ്ട്. ഇത് വിവിധ തരത്തിലുള്ള അണുബാധകളെ തടയാൻ സഹായിക്കുന്നു.
ചുമയടക്കമുള്ള ശ്വാസകോശ സംബന്ധമായ രോഗങ്ങളെ പ്രതിരോധിക്കാൻ കുരുമുളക് സഹായിക്കും.
സാധാരണ ശ്വാസകോശ സംബന്ധമായ അണുബാധകളെ ചെറുക്കാൻ കഴിയുന്ന ആന്റി ബാക്ടീരിയൽ ഗുണങ്ങള് കുരുമുളകിനുണ്ട്.
കുരുമുളക് പതിവായി ഭക്ഷണത്തില് ഉള്പ്പെടുത്തുന്നത് ദഹനം മെച്ചപ്പെടുത്താന് സഹായിക്കും. കൂടാതെ വയര് വീര്ത്തിരിക്കുന്ന അവസ്ഥ, ഗ്യാസ്, മലബന്ധം തുടങ്ങിയ പ്രശ്നങ്ങളെ ഒഴിവാക്കാനും ഇവ സഹായിക്കും.
ശരീരഭാരം കുറയ്ക്കാന് ആഗ്രഹിക്കുന്നവര്ക്കും കുരുമുളക് ഡയറ്റില് ഉള്പ്പെടുത്താം. കലോറിയെ കത്തിച്ചു കളയാന് ഇവയ്ക്ക് കഴിവുണ്ട്.
പ്രതികരിക്കാൻ ഇവിടെ എഴുതുക