ഡല്ഹി: പാര്ലമെന്റിലുണ്ടായ സുരക്ഷാ വീഴ്ചയുമായി ബന്ധപ്പെട്ടുണ്ടായ പ്രതിപക്ഷ പ്രതിഷേധത്തില് 50 എംപിമാരെ കൂടി സസ്പെന്റ് ചെയ്തു. ശശി തരൂര്, കെ സുധാകരന്, അടൂര് പ്രകാശ്, മനീഷ് തിവാരി, സുപ്രിയ സുലെ, ഡാനിഷ് തിവാരി എന്നിവരടക്കമുള്ള എംപിമാരെയാണ് ഇന്ന് സസ്പെന്റ് ചെയ്തത്. ഇതോടെ സസ്പെന്ഷനിലായ പ്രതിപക്ഷ എംപിമാരുടെ എണ്ണം 141 ആയി.
അതേസമയം, സസ്പെന്ഷന് നടപടിയില് നിന്നും സോണിയ ഗാന്ധിയെ സ്പീക്കര് ഒഴിവാക്കി. ലോക്സഭയില് ഇന്ന് രാവിലെ മുതല് ശക്തമായ പ്രതിഷേധമാണ് ഉണ്ടായത്. പോസ്റ്റര് ഉയര്ത്തി നടുത്തളത്തില് ഇറങ്ങി പ്രതിപക്ഷ അംഗങ്ങള് മുദ്രാവാക്യം വിളിച്ചു. രാജ്യസഭയിലും ഇന്നും കനത്ത പ്രതിഷേധം ഉണ്ടായി.
ഇന്നലെ വരെ ലോക്സഭയിലും രാജ്യസഭയിലുമായി സസ്പെന്റ് ചെയ്യപ്പെട്ട 92 എംപിമാരും പാര്ലമെന്റിന് പുറത്ത് പ്രതിഷേധിക്കുകയാണ്. സുരക്ഷ വീഴ്ച വിഷയത്തില് കേന്ദ്ര ആഭ്യന്തര അമിത് ഷാ സഭയില് സംസാരിക്കും വരെ പ്രതിഷേധം തുടരാനാണ് പ്രതിപക്ഷ പാര്ട്ടികളുടെ കൂട്ടായ തീരുമാനം. എന്നാല് സംഭവത്തില് അന്വേഷണം നടക്കുന്നുണ്ടെന്നും ഇരു സഭകളിലെയും സഭ അധ്യക്ഷന്മാര് വിഷയത്തില് നിലപാട് വ്യക്തമാക്കിയതാണെമാണ് ബിജെപി വാദം.
പ്രതികരിക്കാൻ ഇവിടെ എഴുതുക