ശരീരം തടിച്ചത് കാരണം ബുദ്ധിമുട്ടുന്നവർ ആണോ നിങ്ങൾ? തടി കുറയ്ക്കാൻ ശ്രമിക്കുന്നവർ ഏറ്റവും നിരാശരാകുന്നത് വയറ്റിലെ കൊഴുപ്പ് കളയാൻ ശ്രമിക്കുമ്പോൾ ആണ്. വയറിലെ കൊഴുപ്പിനെ പുറംതള്ളാന് കുടിക്കാവുന്ന ചില ജ്യൂസുകളെ പരിചയപ്പെടാം.
തണ്ണിമത്തന് ജ്യൂസാണ് ആദ്യമായി ഈ പട്ടികയില് ഉള്പ്പെടുന്നത്. തണ്ണമത്തിനില് 90 ശതമാനവും വെള്ളം ആണ് അടങ്ങിയിരിക്കുന്നത്. 100 ഗ്രാം തണ്ണിമത്തനില് 30 കലോറിയേയുള്ളൂ. ഉയര്ന്ന ജലാംശം ഉള്ളതിനാല് ഇത് വയര് കുറയ്ക്കാനും ശരീരഭാരം നിയന്ത്രിക്കാനും സഹായിക്കും.
ക്യാരറ്റ് ജ്യൂസ് ആണ് രണ്ടാമതായി ഈ പട്ടികയില് ഉള്പ്പെടുന്നത്. വിറ്റാമിൻ എ, സി, കെ, ബി 6, ബയോട്ടിൻ, പൊട്ടാസ്യം തുടങ്ങി നിരവധി പോഷകങ്ങള് ക്യാരറ്റില് അടങ്ങിയിട്ടുണ്ട്. ഫൈബര് ധാരാളവും കലോറി വളരെ കുറഞ്ഞതുമായ ക്യാരറ്റ് വണ്ണം കുറയ്ക്കാന് സഹായിക്കും. ദഹനം മെച്ചപ്പെടുത്താനും ക്യാരറ്റ് ജ്യൂസ് നല്ലതാണ്. 100 മില്ലിലിറ്റര് ക്യാരറ്റ് ജ്യൂസില് 39 കലോറി മാത്രമാണ് അടങ്ങിയിട്ടുള്ളത്.
ബീറ്റ്റൂട്ട് ജ്യൂസാണ് അടുത്തതായി ഈ പട്ടികയില് ഉള്പ്പെടുന്നത്. ധാരാളം പോഷകഗുണങ്ങളുള്ള ഒന്നാണ് ബീറ്റ്റൂട്ട്. വണ്ണം കുറയ്ക്കാനും പ്രതിരോധശേഷി വര്ധിപ്പിക്കാനും ബീറ്റ്റൂട്ട് ജ്യൂസ് കുടിക്കുന്നത് നല്ലതാണ്. കലോറി കുറഞ്ഞതും ഫൈബര് ധാരാളം അടങ്ങിയതുമായ ബീറ്റ്റൂട്ട് വിശപ്പിനെ നിയന്ത്രിക്കാന് സഹായിക്കും. അതുവഴി വണ്ണം കുറയ്ക്കാന് സാധിക്കും.
വെള്ളരിക്ക ജ്യൂസ് ആണ് അവസാനമായി ഈ പട്ടികയില് ഉള്പ്പെടുന്നത്. കലോറി വളരെ കുറഞ്ഞ, ഫൈബര് ധാരാളം അടങ്ങിയ വെള്ളരിക്ക വിശപ്പിനെ നിയന്ത്രിക്കാന് സഹായിക്കും. അതുവഴി ശരീരഭാരം കുറയ്ക്കാന് കഴിയും.
പ്രതികരിക്കാൻ ഇവിടെ എഴുതുക