വേനൽക്കാലത്തും വർഷകാലത്തും ഒരുപോലെ കൃഷി ചെയ്യാവുന്ന ഒരു പച്ചക്കറിയാണ് വെണ്ടയ്ക്ക. നിരവധി പോഷക ഗുണങ്ങളാൽ സമ്പന്നമായ ഇവ കൃഷി ചെയ്യുന്നതിന് കാലാവസ്ഥ ഒരു പ്രശ്നമേയല്ല. നിരവധി ദഹനുകളാൽ സമ്പന്നമായ വെണ്ടയ്ക്ക കൊളസ്ട്രോൾ അടിഞ്ഞുകൂടാതെ ശരീരത്തെ സംരക്ഷിക്കുകയും മലബന്ധത്തെ അകറ്റുകയും ചെയ്യും.
ഗർഭിണികളായ സ്ത്രീകൾക്ക് ഫോളിക് ആസിഡ് ധാരാളമായി അടങ്ങിയ വെണ്ടയ്ക്ക ധൈര്യമായി ഉപയോഗിക്കാം. അങ്ങനെയങ്ങനെ നിരവധി പോഷകഗുണങ്ങളാൽ സമ്പന്നമായ വെണ്ടയ്ക്ക ഏത് കാലാവസ്ഥയിലും കൃഷി ചെയ്യാം എന്നതും ആളുകളെ വേണ്ട കൃഷി ചെയ്യുന്നതിന് പ്രോത്സാഹിപ്പിക്കുന്ന ഒന്നാണ്.
വെണ്ടകൃഷി ചെയ്യുന്നതിന് ഏറ്റവും അനുയോജ്യമായ സമയം മഴക്കാലമാണ്. അല്പം അകലത്തിൽ മഴക്കാലത്ത് വെണ്ടകൃഷി ചെയ്യാവുന്നതാണ്. വരികൾ തമ്മിൽ രണ്ടടി യും വരിയിലെ ചെടികൾ തമ്മിൽ ഒന്നരയടിയും അകലത്തിൽ വെണ്ട നടാവുന്നതാണ്. വെണ്ടയിൽ നിമ വരകളുടെ ശല്യം അധികമായി കാണുന്നതിനാൽ ഒരു സെന്റ് സ്ഥലത്ത് 3 കിലോ എന്ന അളവിൽ വേപ്പിൻപിണ്ണാക്ക് അടിവളമായി ചാണകപ്പൊടി എല്ലുപൊടി എന്നിവയ്ക്കൊപ്പം ചേർത്ത് കൊടുക്കാം.
അർക്ക അനാമിക, പർബാനി ക്രാന്തി, അർക്ക ആഭ, വർഷ ഉപഹാർ, സുസ്ഥിര, സൽകീർത്തി, അരുണ തുടങ്ങി നിരവധി വെണ്ട ഇനങ്ങൾ ലഭ്യമാണ്. 45 ദിവസമൊക്കെ ആകുമ്പോൾ വിളവെടുക്കാൻ പാകമാകുന്ന വെണ്ട രണ്ടു ദിവസത്തിൽ ഒരിക്കൽ വിളവെടുക്കാനും ശ്രദ്ധിക്കണം.
ഇരുപത്തഞ്ച് മുതൽ 30 വരെ കായ്കൾ ഒരു ചെടിയിൽ നിന്നും പറിച്ചെടുക്കാവുന്നതാണ്. മൂന്നുതവണ വിളവെടുത്ത കഴിയുമ്പോൾ ഒരു മേൽവളം നൽകാനും മറക്കരുത്. കായ് ത്തുരപ്പൻ, തണ്ടു തുരപ്പൻ, ഇലചുരുട്ടി, പച്ചത്തുള്ളൻ, മണ്ഡരി, മീലിമൂട്ട എന്നിവയെല്ലാം വെണ്ടയെ ആക്രമിക്കുന്ന പ്രധാന കീടങ്ങളാണ്. പൊടിപ്പൂപ്പ്, ഇലപ്പുള്ളി, നരപ്പ് രോഗം എന്നിവയാണ് വെണ്ടയെ ബാധിക്കുന്ന പ്രധാനപ്പെട്ട രോഗങ്ങൾ.
പ്രതികരിക്കാൻ ഇവിടെ എഴുതുക